သဘာဝဘေးနဲ့ မြန်မာ့အရေး (သုံးသပ်ချက်) ============================

သဘာဝဘေးနဲ့ မြန်မာ့အရေး (သုံးသပ်ချက်)
============================

(၁)

ဒီသုံးသပ်ချက်ကို စိတ်မကောင်းစွာနဲ့ရေးပါတယ်..

မကြာခင်က မိုးအရမ်းရွာပြီး ကျွန်တော်တို့နိုင်ငံ
ဒေသတော်တော်များများမှာ ရေကြီးမှုတွေမြေပြိုမှုတွေ
ဖြစ်ပေါ်ခဲ့ပါတယ်..

ဆုံးရှုံးမှုပမာဏတွေဟာကြီးမားတဲ့အတွက်..
အစိုးရက ရေဘေးနဲ့ပတ်သက်ပြီး
ငွေတွေမမျှော်မှန်းနိုင်လောက်အောင်
ထပ်ပြီး ကုန်မဲ့ အနေအထားဖြစ်နေပါတယ်..

အလှူရှင်တွေကလဲ လက်လမ်းမှီသလောက်
လိုက်ပြီးလှူကြပေမဲ့ လက်ရှိအခြေအနေအတွက်ပဲ
အဆင်ပြေနိုင်တဲ့သဘောဖြစ်နေပြီး..
ရေရှည်အတွက် ထူထောင်ဖို့ဟာ
ဦးသိန်းစိန်အစိုးရရဲ့တာဝန်တစ်ခုဖြစ်လာပါတယ်၊
နိုင်ငံတကာကလဲ ကူညီသင့်တာတွေကို
ကူညီပေးနေပြီး..အစိုးရရဲ့အခြေအနေကို
စောင့်ကြည့်နေပါတယ်၊

ပြည်နယ်တိုင်း ၁၂ ခုမှာခံစားရတဲ့
ရေဘေးဒုက္ခမှာ စစ်ကိုင်းတိုင်း ၊ ချင်းပြည်နယ်နဲ့
ရခိုင်ပြည်နယ် တို့ဟာအဆိုးဆုံးဖြစ်ခဲ့ပေမဲ့..
နောက်ပိုင်းမှာ အခြားတိုင်းနဲ့ပြည်နယ်တွေက
မြို့အချို့ကိုပါ ဆက်စပ်ပြီး အခုအချိန်အထိ..
ဆက်တိုက် ဆက်တိုက်ဖြစ်နေဆဲဆိုတဲ့
သတင်းတွေကို တွေ့တွေ့လာရပါတယ်..

နာဂစ်ကာလတုန်းက
ဧရာဝတီတိုင်းတစ်ခုတည်းသာ
တစ်ရက်နှစ်ရက်အတွင်း..
နလံမထူနိုင်အောင်ပျက်စီးခဲ့ပေမဲ့..
အခုအဖြစ်အပျက်ကျတော့..
တစ်ရက်နှစ်ရက်မဟုတ်ပဲ မိုးရာသီတစ်လျှောက်လုံး
သူဖြစ်ချင်တဲ့နေရာတွေမှာ ဆက်လက်ဖြစ်နိုင်တဲ့
အနေအထားဖြစ်နေပါတယ်၊

--------------------------

မေးစရာမေးခွန်းတွေကတော့...

ကျွန်တော်တို့ တိုင်းပြည်ဘာကြောင့်..
ဒီလောက်အထိသဘာဝဘေးဒဏ်ကို
ဆိုးဆိုးဝါးဝါး ဖြစ်နေတာပါလဲ..?

အိမ်နီးချင်းနိုင်ငံတွေကျတော့..
ဒီလောက်အထိမဆိုးရွားခဲ့ပဲ..
ကျွန်တော်တို့တိုင်းပြည်တစ်ခုတည်းက..
ဘာကြောင့် ဒီလိုမျိုး ဘက်ပေါင်းစုံကနေ..
ဘေးဒုက္ခမျိုးစုံကျရောက်နေတာပါလဲ..?

သုံးသပ်စရာတွေဖြစ်လာပါတယ်..

----------------------------

(၂)

ပထမအချက်ကတော့..
အုပ်ချုပ်သူတွေညံ့ဖျင်းပြီး..
ငွေကြေးမက်မောလို့သဘာဝပတ်ဝန်းကျင်
ပျက်စီးတဲ့အတွက်ဖြစ်ပါတယ်..

လွန်ခဲ့တဲ့နှစ်(၃၀) ဦးသန်းရွှေအစိုးရတက်လာတဲ့အချိန်မှာ
အဂတိလိုက်စားမှုတွေ ပေါများလာပြီး..
အုပ်ချုပ်သူအာဏာရှင်ကိုယ်တိုင်ကိုက..
သံယံဇာတရောင်းချမှုတွေကို လာဘ်လာဘမျှော်ကိုးပြီး
လုပ်ချင်သလိုလုပ်ခဲ့ကြပါတယ်..

ကမ္ဘာမှာပထမတန်းစားဖြစ်တဲ့ မြန်မာ့ကျွန်းသစ်အပါဝင်
သစ်တောကြီးတွေကို ခရိုနီတွေဆီကိုလုပ်ပိုင်ခွင့်တွေ
ဖေါဖေါသီသီပေးခဲ့ကြတဲ့အတွက် သစ်တောရာခိုင်နှုန်းဟာ
ဦးသန်းရွှေလက်ထက်နဲ့ ဦးသိန်းစိန်လက်ထက်မှာ..
တစ်နိုင်ငံလုံးရဲ့ရာခိုင်နှုန်း (၄၀) လောက်ပဲကျန်ခဲ့ပါတော့တယ်၊
ဒီလိုကျန်ခဲ့တဲ့ရာခိုင်နှုန်းတွေထဲမှာလဲ ပထမတန်းစား..
သစ်တောကြီးတွေသိပ်ပါလောက်မယ်မထင်ပါဘူး..
ကြီးမားထူထပ်တဲ့သစ်တောကြီးတွေဟာ..
ဘဘတွေနဲ့ ခရိုနီတွေရဲ့လက်ချက်နဲ့ပြုတ်ပြုတ်ပြုန်းခဲ့ပါတယ်၊

အုပ်ချုပ်သူအာဏာပိုင်တွေနဲ့ ဌာနဆိုင်ရာတွေကို..
လာဘ်လာဘတွေပေးကမ်းပြီး..
သတ်မှတ်ထားတဲ့ ပါမစ်ထက် အဆများစွာခိုးခုတ်ခဲ့တဲ့
ဒဏ်တွေကြောင့် အမှန်တကယ်ကျန်ရှိသင့်တဲ့ သစ်တော
ပမာဏထက် အဆများစွာ ဆုံးရှုံးခဲ့ရပါတယ်..

ဥတုရာသီ တောကိုမှီ၏ ဆိုတဲ့ ရှေးလူကြီးတွေရဲ့စကားကို
ခေါင်းထဲမှာမထည့်ပဲ ဥာဏ်ပညာတစ်ထွာတစ်မိုက်နဲ့..
လုပ်ချင်တာလုပ်ခဲ့ကြတဲ့ သူတွေကြောင့်..
မြေဆီလွှာကိုထိန်းသိမ်တဲ့ သစ်တောကြီးတွေ မရှိတော့တဲ့အခါ
ထိန်းချုပ်မှုကင်းမဲ့တဲ့ မြေပြင်တွေဖြစ်လာတာရယ်၊
ရေစီးကြောင်းကိုအတားအဆီးမဲ့တာတွေဖြစ်လာပြီး.
မိုးများလာတဲ့အချိန်မှာ မြစ်ချောင်းတွေ ဆည်တွေထဲကို
အဆီးအတားမဲ့ ရေတွေစီးဆင်းလာရာကနေ ရေကြီးတာတွေ..
မြေဆီလွှာကိုထိန်းသိမ်းတဲ့သစ်တောတွေမရှိတဲ့
နေရာတွေမှာမိုးများလာတဲ့အတွက် မြေပွတွေဖြစ်လာပြီး..
မြေပြိုတာတွေဖြစ်လာပါတယ်....

အဲဒီလိုဖြစ်တာကို...
တစ်နိုင်ငံလုံးက နေရာတော်တော်များများကပြည်သူတွေ
ထိခိုက်ခံစားခဲ့ကြရတာဟာ ရင်နာစရာဖြစ်ပါတယ်..

နောက်တစ်ချက်ကတော့..

အဂတိလိုက်စားမှုတွေများပြားလာတဲတွက်
ကျောက်စိမ်း၊ ကျောက်မြက်လုပ်ကွက်တွေ၊
ရွှေတူးဖေါ်တဲ့ လုပ်ကွက်တွေ ၊ သတ္တုလုပ်ကွက်တွေကို
အတားအဆီး အဆင်အခြင်မဲ့ ချထားပေးတဲ့အတွက်လဲ..
မြေမျက်နှာသွင်ပြင် ကြောက်စရာကောင်းလောက်အောင်
ကမောက်ကမဖြစ်လာရာကနေ..မိုးများလာတဲ့အခါ..
ရေစီးကြောင်းတွေ ကသောင်းကနင်းဖြစ်ပြီး..
နီးစပ်ရာနီးစပ်ရာ ရေလွှမ်းကုန်တာတွေလဲဖြစ်ကုန်ပါတယ်..

အဖြေကတော့ လက်သင့်ရာစားတော်ခေါ်ခဲ့တဲ့
စိတ်ဆိုးစိတ်ယုတ်တွေရဲ့ အကျိုးဆက်တွေပဲဖြစ်ပါတယ်..
တာဝန်ရှိတဲ့သူတွေနဲ့..ပါဝင်ပတ်သက်တဲ့သူတွေကိုလဲ..
အခုထက်ထိ အစိုးရက အကာကွယ်ပေးပြီး..
ဖူးဖူးမှုတ်ထားဆဲဖြစ်ပါတယ်..

သဘာဝပတ်ဝန်းကျင်ပျက်စီးမှုတွေမှာ..
တာဝန်ရှိတဲ့အာဏာရှင်တွေနဲ့ခရိုနီတွေဟာ..
သူတို့ချမ်းသာသမျှတွေကို ပုံအောပြီးကို..
ရေဘေးသင့်တဲ့ ပြည်သူတွေအတွက် ..
အလိုက်တသိသိနဲ့..ထုတ်သုံးသင့်ပါတယ်..

--------------------------------

(၃)

နောက်တစ်ချက်ကတော့..
ကျွန်တော်တို့တိုင်းပြည်မှာ..
ကိုယ်ကျင့်တရား မင်းကျင့်တရာတွေဆုတ်ယုတ်လို့
ဘာသာရေးလမ်းစဉ်တွေသွေဖယ်နေလို့ပါ..

ကျွန်တော်တို့တိုင်းပြည်ဟာ..
အာဏာရှင်လက်ထက် ဗိုလ်ချုပ်အောင်ဆန်းကို
ချောင်ထိုးခဲ့တာကအစပြုပြီး ..
ကျေးဇူးမကန်းသင့်တဲ့ ပုဂ္ဂိုလ်တွေကိုကျေးဇူးကန်းခဲ့ကြပါတယ်
ပညာတတ်တွေကို နှိမ်ထားခဲ့ပါတယ်..

မဂ္ဂင်(၈) ပါးလမ်းစဉ်ကိုသွေဖယ်ပြီး..
မှန်ကန်စွာအသက်မမွေးကြပဲ အဂတိတရားနဲ့အသက်မွေးမှုတွေ
လူတန်းစားအလွှာအသီးသီးမှာအမြစ်တွယ်ကုန်ကြပါတယ်..
ပိုင်ရာဆိုင်ရာနဲ့ ချဉ်းကပ်ပြီး လုပ်ပိုင်ခွင့်တွေ၊ အသိအမှတ်ပြုမှုတွေကို
ရယူခဲ့ကြတာဟာလဲ မြင်မကောင်းပါဘူး..

တိုင်းပြည်ရဲ့လူ့စွမ်းအားအရင်းမြစ်တွေဖြစ်တဲ့ လူငယ်တွေကိုလဲ
ထိုက်သင့်တဲ့ စဉ်းစားတွေးခေါ်နိုင်စွမ်းနည်းပါးစေပြီး..
အုပ်ချုပ်သူလူတန်းစားဟာလဲ မင်းကျင့်တရား(၁၀)ပါးကို
ပြောင်းပြန်ကျင့်သုံးခဲ့ကြပါတယ်..

လူဆိုးလူမိုက်တွေ၊ ပြည်သူကိုဒုက္ခပေးသူတွေကို..
လွတ်ငြိမ်းချမ်းသာခွင့်တွေနဲ့ လွှတ်လိုက်တဲ့အတွက်လဲ..
အစိုးရဟာ ဘုရားဟောတရားကိုဆန့်ကျင်တဲ့...
လူမိုက်လူသွမ်းတွေကို အားပေးတဲ့ ...
အစိုးရဖြစ်မှန်းမသိဖြစ်တဲ့ အဆင့်ကိုရောက်သွားပါတယ်..

အဆိုးဆုံးကတော့...
ကျွန်တော်တို့တိုင်းပြည်က ပြည်သူအများစုကိုးကွယ်နေတဲ့
ထေရ၀ါဒဗုဒ္ဓဘာသာလမ်းစဉ်ကို အုပ်ချုပ်သူလူတန်းစားနဲ့
အခွင့်ထူးခံလူတန်းစားတွေဟာ လမ်းကြောင်းပြောင်းဖို့အတွက်
အားထုတ်ခဲ့တာပါပဲ...

မေတ္တာတရားထုံလွှမ်းပြီး စိတ်နေစိတ်ထားတတ်မှုကို
အခြေခံတဲ့ ထေရ၀ါဒ လမ်းစဉ်တစ်ခုလုံးကို..
ဇောက်ထိုးမိုးမျှော်ဖြစ်သွားအောင်.
အစီအစဉ်တကျလုပ်ခဲ့ကြပါတယ်
အစွန်းရောက် တိုက်ခိုက်ပုတ်ခတ်ရေးဘက်ကို..
လမ်းကြောင်းဖေါက်ပေးခဲ့ကြပါတယ်..

လောဘဒေါသ မာန်မာနတွေကိုအခြေခံတဲ့..
အတ္တဆန်တဲ့ ဘာသာရေးလမ်းစဉ်တစ်ခုကို..
ဗုဒ္ဓဘာသာအရေခြုံပြီး ဖေါ်ထုတ်လာပါတယ်..

ဝမ်းနည်းဖို့ကောင်းတာက ထေရ၀ါဒအခြေခံစိတ် ယိုင်နဲ့နေတဲ့
ဘုန်းကြီးတစ်ချို့နဲ့ ပြည်သူတစ်ချို့ဟာ..အဲဒီဇတ်ကွက်တွေထဲမှာ
ပါဝင်လာခြင်းပဲဖြစ်ပါတယ်...

ဘာသာရေးအရ စဉ်းစားရရင်..
နတ်ကောင်းနတ်မြတ်တွေ မကြိုက်နှစ်သက်တဲ့
အလုပ်တွေဖြစ်နေပါတယ်..

ကောသလအိပ်မက် (၁၆)ချက်ဟာလဲ..
သိသိသာသာကို သက်သေပြလာတဲ့အနေအထားပါ..

ဘာသာသာသနာကိုစောင့်တဲ့ နတ်တွေ..
ဘာသာသာသနာကို ကြည်ညိုတဲ့နတ်ကောင်းနတ်မြတ်တွေဟာ
ဒီလို ယိုယွင်းပျက်စီးလာတဲ့ ဘာသာသာသနာရဲ့အနေအထားတွေ..
အုပ်ချုပ်သူမင်းအစိုးရနဲ့ လူတန်းစားအချို့ရဲ့ကိုယ်ကျင့်တရားပျက်လာတဲ့
အနေအထားတွေကို..ဒီအတိုင်းကြည့်မနေနိုင်တော့ပဲ
#ဒဏ်ခတ် တဲ့အတွက် တိုင်းပြည်ဟာ ဒီလိုဘေးဆိုးတွေ
ကျရောက်နေတာလား.? လို့ကို
မေးစရာဖြစ်လာပါတယ်..

အာဏာရှင်တွေရဲ့ နှစ်ပေါင်းများစွာတရားမဲ့အုပ်ချုပ်ခဲ့လို့
တစ်နွယ်ငင်တစ်စင်ပါဆိုသလို..
မြန်မာလူမျိုးဖြစ်ရက်နဲ့ ဗုဒ္ဓဘာသာကိုကိုးကွယ်ရက်နဲ့..
တရားပျက်နေကြတာတွေကို..
သဘာဝတရားနဲ့ ဘာသာတရားက.
အပြစ်ပေးမှုတွေ လုပ်နေပြီလား?
လို့လဲ..စဉ်းစားစရာပါ...

သမိုင်းမှာတစ်ခါမှမကြုံဘူးတဲ့
ဘေးဒုက္ခကြီးဖြစ်နေလေတော့...
ပြန်တွေးကြည့်လေ...
အံ့သြထိတ်လန့်စရာကောင်းလေဖြစ်နေပါတယ်..

၂၀၁၂ ခုနှစ်တုန်းက ရွှေတိဂုံဘုရားမှာ..
လဒကြီးခြောက်ကောင်နားခဲ့ တဲ့နမိတ်ဆိုးကိုလဲ
အားလုံးအမှတ်ရမိကြမှာပါ..

အဲဒီနမိတ်ပြဖြစ်စဉ်ဖြစ်ပွားပြီးမှ..
ဗုဒ္ဓဘာသာကို အစွန်းရောက်အသွင်ပြောင်းတဲ့
ကိုယ်တော်တွေ ပေါ်ထွက်လာတယ်ဆိုတာကို
ဘယ်သူ့မှငြင်းမရနိုင်ပါဘူး...

----------------------------

(၄)

အပေါ်ကသုံးသပ်ချက်တွေဟာ..
လက်တွေ့ကျကျ အမြင်နဲ့ ဘာသာရေးအမြင်နှစ်ခုကို
ပေါင်းစပ်ပြီး သုံးသပ်ထားတာဖြစ်ပါတယ်..

သေချာပြန်စဉ်းစားလေ နိုင်ငံသူနိုင်ငံသားတွေအတွက်
စိတ်မကေကာင်းဖြစ်လေပါ..

အချုပ်ကတော့ ပထမအချက်..
လက်တွေ့အမြင်အရဆိုရင်..
စီမံခန့်ခွဲမှုကောင်းပြီးအရည်အချင်းရှိတဲ့
ခေါင်းဆောင်တွေရဲ့ အုပ်ချုပ်မှုကို ကျွန်တော်တို့
တိုင်းပြည်မှာလိုအပ်နေသလို..
ပြည်သူလူထုနဲ့ ၀န်ထမ်းတွေဆီမှာလဲ..
ပညာအခြေခံကောင်းပြီး စဉ်းစားဆင်ခြင်နိုင်စွမ်းတွေရှိဖို့
လိုအပ်နေပါတယ်..

ဒုတိယအချက်ဘာသာရေးအမြင်အရဆိုရင်လဲ
ဘာသာတရားရဲ့အနှစ်သာရအမှန်ကိုသိပြီး..
ကိုယ်ကျင့်တရားမပျက်တဲ့ခေါင်းဆောင်တွေအုပ်ချုပ်ဖို့နဲ့
ပြည်သူပြည်သားတွေအားလုံး ထေရ၀ါဒရဲ့အနှစ်သာရကိုသိပြီး
ဘာသာသာသနာကို အရောင်ဆိုးတဲ့လူတွေမဖြစ်ကြဖို့ပါ..
ဘာသာသာသနာစိတ်ရှိပြီး ကိုယ့်တာကိုယ်လုံရင်..
တခြား ဘာကမှ ၀င်ရောက်ထိုးဖေါက်လို့မရပါဘူး...
နိုင်ငံတကာက လူမျိုးစုံဟာ နောက်ပိုင်းမှာဗုဒ္ဓဘာသာကို
စိတ်ဝင်စားလာတယ်ဆိုတာဟာလဲ ဗုဒ္ဓဘာသာရဲ့
တည်ငြိမ်အေးချမ်းတဲ့ စိတ်နေစိတ်ထားနည်းနဲ့
ဘ၀နေနည်းတွေကြောင့်သာဖြစ်တာကိုသတိပြုရပါမယ်...

ဒီလိုသဘာဝဘေးအန္တရာယ်တွေကရတဲ့
သင်ခန်းစာတွေကိုလေ့လာပြီး..

အနာဂတ်မှာ..ပညာအဆင့်အတန်းမြင့်မြင့်နဲ့
စဉ်းစားတွေးခေါ်နိုင်စွမ်းရှိတဲ့..
ထေရ၀ါဒရဲ့ အနှစ်သာရအမှန်ကိုသိနားလည်တဲ့
မြန်မာနိုင်ငံသား အုပ်ချုပ်သူနဲ့ မြန်မာပြည်သူအုပ်ချုပ်ခံ
လူတန်းစားများစွာ ပေါ်ထွက်လာစေဖို့အတွက်..
လာမဲ့မြန်မာ့မျိုးဆက်တွေအားလုံးအတွက်..
ကျွန်တော်တို့အားလုံး ကြိုးစားကြပါလို့ ..

တိုက်တွန်းချင်ပါတယ်..

Credited - Original writer

သတင်းများကိုဆုံးအောင်ဖတ်တဲ့ အတွက်ကျေးဇူးပါ