ချီဖွေငယ် ဓာတ်အားပေးစက်ရုံက ဓာတ်အားတိုးချဲ့ဖြန့်ဝေခြင်းကြောင့် ကချင်ပြည်နယ်တွင်း၌ လျှပ်စစ်မီးသုံးစွဲနိုင်မှု ပိုမိုမြင့်တက်လာ

ချီဖွေငယ် ဓာတ်အားပေးစက်ရုံက ဓာတ်အားတိုးချဲ့ဖြန့်ဝေခြင်းကြောင့် ကချင်ပြည်နယ်တွင်း၌ လျှပ်စစ်မီးသုံးစွဲနိုင်မှု ပိုမိုမြင့်တက်လာ

စက်တင်ဘာလ ၁၇ ရက်၊ ၂၀၁၅

ယခုနှစ်စောစောပိုင်းကစတင်၍ ကချင် ပြည်နယ်တွင် တိုးချဲ့တပ်ဆင် လျက်ရှိသော ဓာတ်အားလိုင်းများကြောင့် မြစ်ကြီးနား တစ်ဝိုက် တွင် ယခင်က ရွာ ၄၀ ခန့် လျှပ်စစ် မီးရရှိခဲ့ရာမှ ယခုအခါတွင်
ရွာပေါင်း ၁၅၀ ခန့်အထိ လျှပ်စစ်မီးရယူသုံးစွဲနိုင်ပြီဖြစ်ကြောင်း ကချင်ပြည်နယ် လျှပ်စစ်ဓာတ်အား ဖြန့်ဖြူးရေးလုပ်ငန်း တာဝန်ခံအင်ဂျင်နီယာကပြောသည်။

ထိုသို့ ဓာတ်အားလိုင်းတိုးချဲ့မှုကြောင့် ကချင်ပြည်နယ်အတွင်း အစိုးရလျှပ်စစ်မီးသုံးစွဲနိုင်မှုအချိုး(electrification ratio) မှာ ယခင်က ၃၇ ရာခိုင်နှုန်းရှိရာမှ ၄၃ ရာနှုန်း အထိ မြင့်တက်လာခဲ့သည်။ မြစ်ကြီးနားမြို့၏ အနီးတစ်ဝိုက်ဒေသများ အတွင်း ယခုကဲ့သို့ တိုးချဲ့တပ်ဆင်လျက်ရှိ
သည့် ဓာတ်အားလိုင်းများမှာ ပြည်ထောင်စု အစိုးရဘတ်ဂျက်ဖြင့် တည်ဆောက်နေခြင်းဖြစ်ပြီး ထိုသို့တိုးချဲ့သည့်ဓာတ်အားလိုင်းများ အတွက် လိုအပ်သည့်ဓာတ်အားကိုမူကချင်ပြည်နယ်ရှိချီဖွေငယ်ဓာတ်အားပေးစက်ရုံက ဓာတ်အားကို အဓိကထားသုံးစွဲနေခြင်းဖြစ်ကြောင်း ကချင်ပြည်နယ်လျှပ်စစ်ဓာတ်အားဖြန့်ဖြူးရေးလုပ်ငန်းတာဝန်ခံ
အင်ဂျင်နီယာ ဦးထောင်ဇိုခိုင်က ပြောသည်။ "ပြောရရင်တော့ ၂၀၀၆ လောက်တုန်းကမြစ်ကြီးနားမှာ ၂၄ နာရီ လျှပ်စစ်မီးရခဲ့ဖူးတယ်။ ဘူးခါးဆိုတာ ပုဂ္ဂလိကကုမ္ပဏီတစ်ခုပါ။
သူ့မှာ မလိရေအားလျှပ်စစ်စက်ရုံဆိုတာ ရှိ တယ်။ သူကနေပြီးမှ မြစ်ကြီးနားနဲ့ ၀ိုင်းမော်ကိုပေးတယ်။ နောက်ပိုင်းမှာ သုံးစွဲမှုမြင့်တက်လာ တော့ ၂၄ နာရီမရတော့ဘူး။ ရခဲ့တာသုံးလေး နှစ်လောက်တော့ ရှိမယ်။ ၂၀၁၃ ခုနှစ်၊ အောက် တိုဘာလကုန်မှာ မဟာဓာတ်အားလိုင်းနဲ့ ချီဖွေငယ်ဓာတ်အားပေး စက်ရုံတို့ ချိတ်ဆက်ပြီးနောက်ပိုင်း အခု ၂၄ နာရီ လျှပ်စစ်မီးပြန်ရ
သွားတာပါ" ဟု ၎င်းက ပြောသည်။ ၂၀၁၃ ကပင် ချီဖွေငယ်ရေအားလျှပ်စစ် စီမံကိန်းကလျှပ်စစ်ဓာတ်အားများဖြန့်ဝေပေး လျက်ရှိရာမှ ယခုအခါတွင် မြစ်ကြီးနား၊ ချီဖွေနှင့် မိုးညှင်းစသည့်မြို့များသာမက အနီးအနား ရွာများနှင့် ချီဖွေငယ်ဓာတ်အားပေးစက်ရုံမှ ကီလိုမီတာ ၄၅၀အကွာရှိ စစ်ကိုင်း တိုင်း ဒေသကြီးရှိအချို့နေရာများအထိပါ လျှပ်စစ် ဓာတ်အား ဖြန့်ဖြူးပေးလျက်
ရှိကြောင်း ၎င်းက ပြောသည်။

ချီဖွေငယ် ဓာတ်အားပေးစက်ရုံကို ဧရာဝတီ အထက်ပိုင်း မြစ်ညာမြစ်ဝှမ်း ရေအားလျှပ်စစ်စီမံကိန်းကုမ္ပဏီလီမိတက် (ACHC) က ဆောက် လုပ်ခဲ့ပြီး ကနဦးရည်ရွယ်ချက်မှာ ရပ်ဆိုင်းခံခဲ့ရသည့်မြစ်ဆုံစီမံကိန်းအပါအ၀င် ၎င်းတို့ ကုမ္ပဏီက ဆောင်ရွက်မည့် စီမံကိန်းခုနစ်ခု တည်ဆောက်
စဉ်ကာလအတွင်း လိုအပ်မည့် လျှပ်စစ်ဓာတ်အားအတွက်အသုံးပြုရန် ရည်ရွယ်တည်ဆောက်ခဲ့ခြင်းဖြစ်သည်။ သို့ရာတွင် ကချင်ပြည်နယ်အစိုးရနှင့် လျှပ်စစ်ဝန်ကြီးဌာနတို့ကကချင်ပြည်နယ် အတွင်း လျှပ်စစ်ဓာတ်အားမလုံလောက်မှုကို ဖြည့်စွက်ပေးရန် ချီဖွေငယ်စက်ရုံက
လျှပ်စစ် ဓာတ်အားများကို အများပြည်သူအတွက် ဖြန့်ဖြူးပေးရန် တောင်းဆိုမှုကြောင့်၂၀၁၃ ခုနှစ်တွင် မြစ်ကြီးနားနှင့် အနီးတစ်ဝိုက်ရှိ ရွာအချို့ ရှိ ဒေသခံများကို လျှပ်စစ်မီးစတင်ဖြန့်ဖြူး ပေးခဲ့ခြင်းဖြစ်သည်။

အမေရိကန်ဒေါ်လာ နှစ်ဘီလျံကုန်ကျ သည့်ျီဖွေငယ်ဓာတ်အားပေးစက်ရုံမှာ မြစ်ကြီးနားမှ၁၁၅ မိုင်အကွာ နန့်မိုင်မြစ်ပေါ်တွင်တည်ရှိပြီး တည်ဆောက်ချိန် သုံးနှစ်ခန့် ကြာမြင့်ခဲ့သည်။
တည်ဆောက်မှုကုန်ကျစရိတ် ကို ACHC ကုမ္ပဏီက ကျခံခဲ့ပြီး ယခုအခါတွင် စက်ရုံ၌ ၃၃မဂ္ဂါဝပ်ထုတ်လုပ်နိုင်သည့် တာဘိုင် သုံးခုဖြင့် လည်ပတ်လျက်ရှိသောကြောင့် စုစုပေါင်းထုတ်လုပ်နိုင်သည့် ဓာတ်အား ပမာဏမှာ ၉၉ မဂ္ဂါဝပ်ဖြစ်သည်။ ကချင်ပြည်နယ်တစ်ခုလုံး၏
လျှပ်စစ်ဓာတ် အားသုံးစွဲမှုမှာ တစ်နှစ်လျှင် ကီလိုဝပ်သန်း ၈၀ ဖြစ်ပြီး ယခုလျှပ်စစ်ဓာတ်အားထုတ်လုပ် ပေးလျက်ရှိသော ချီဖွေငယ်လျှပ်စစ်ဓာတ် အားပေးစက်ရုံက ပုံမှန်ထုတ်လုပ်နိုင်သည့်ဓာတ်အားပမာဏမှာ တစ်နှစ်လျှင် ကီလိုဝပ် သန်း ၆၀၀ ရှိခြင်းကြောင့် ၎င်းစက်ရုံတစ်ခုတည်းကိုအခြေပြုကာ ဓာတ်အားလိုင်းများ တည်ဆောက်နိုင်ပါက ကချင်ပြည်နယ်တစ်ခု
လုံး၏ လျှပ်စစ်ဓာတ်အားလိုအပ်ချက်ကို ဖြည့်ပေးနိုင်သည့်အနေအထား ဖြစ်သည်။ ၎င်းပြင်ချီဖွေငယ်လျှပ်စစ်ဓာတ်အားပေး စက်ရုံ၏ တစ်နှစ်ထုတ်လုပ်နိုင်သည့် ဓာတ်အား ပမာဏမှာမြန်မာတစ်နိုင်ငံလုံးတွင် လက်ရှိ ဖြန့်ဖြူးပေးလျက်ရှိသည့် စုစုပေါင်း လျှပ်စစ်ဓာတ်အားပမာဏ၏
ခြောက်ရာခိုင်နှုန်းခန့်သာရှိသေးသည်။

"ကျွန်တော်တို့အနေနဲ့ ကချင်ဒေသဖွံ့ဖြိုး ရေးအတွက် ရေရှည်ရင်းနှီးမြှုပ်နှံဖို့ ရည်မှန်းပါတယ်။
အခု ချီဖွေငယ်စီမံကိန်းဆိုလည်း မြောက်ပိုင်းဒေသမှာဖြစ်ပွားခဲ့တဲ့ ပဋိပက္ခတွေကြောင့်ထိခိုက်ပျက်စီးခဲ့ရတာတွေရှိလို့ အမေရိကန်ဒေါ်လာ သန်း ၆၀ ကျော်လောက် သုံးစွဲပြီးပြင်ဆင်ခဲ့ရပါသေးတယ်။ ဒါကြောင့် ၂၀၁၃ ခုနှစ်၊ စက်တင်ဘာကုန်လောက်ကျမှ ပြန်လည်လည်ပတ်နိုင်ပြီး မြစ်ကြီးနားတစ်ဝိုက် နဲ့ ရွာတွေကို လျှပ်စစ်ဓာတ်အား ပြန်လည်ဖြန့်
ဖြူးပေးနိုင်ခဲ့တာပါ။ ချီဖွေငယ်ကထွက်တဲ့ လျှပ်စစ်ဓာတ်အား ၁၀၀ ရာခိုင်နှုန်းစလုံး မြန်မာပြည်တွင်းက နေရာတွေကိုပဲ ဖြန့်ဖြူးမှာပါ။ ဒါပေမဲ့ ချီဖွေကထုတ်နိုင်တာ ၉၉ မဂ္ဂါဝပ်ရှိပြီးလောလောဆယ် ကချင်ပြည်နယ်မှာလိုအပ် နေတာက မဂ္ဂါဝပ် ၃၀ ပဲဆိုတော့ ပိုနေတဲ့
ဓာတ်အားတွေက အလဟဿ ဖြစ်နေပါတယ်။ ကျွန်တော့်တို့အတွက်လည်း အဲဒီဆုံးရှုံးမှုကိုခံရတာ အင်မတန်ခက်ခဲပါတယ်။ နိုင်ငံတော် အစိုးရအနေနဲ့ ဓာတ်အားလိုင်းတွေတိုးချဲ့နိုင်လာတာနဲ့အမျှ ချီဖွေငယ်ကထွက်သမျှ ကချင် ပြည်နယ်အပါအ၀င် မြန်မာပြည်တွင်း နေရာဒေသအနှံ့အပြားက လူတွေအားလုံးကို ပတ်ဝန်းကျင်အထိအခိုက်နည်းပြီး ဈေးသက်သာတဲ့
လျှပ်စစ်ဓာတ်အားအဖြစ် အခု ထက်ပိုမို ဖြန့်ဖြူးပေးနိုင်ဖို့ မျှော်လင့်ပါတယ်" ဟု ACHC ကုမ္ပဏီ၏ဥက္ကဋ္ဌ မစ္စတာလီဂွမ်ဟွာကပြောသည်။

ယခုအခါတွင် မြစ်ကြီးနားအပါအ၀င် အနီးအနားရှိနေအိမ်များ၊ လုပ်ငန်းများသည်ချီဖွေငယ်လျှပ်စစ်ဓာတ်အားပေးစက်ရုံက ရရှိသည့် လျှပ်စစ်ဓာတ်အားကြောင့် လုပ်ငန်း များလုပ်ကိုင်ရာတွင် ပိုမိုအဆင်ပြေလာကြောင်း ဒေသခံအချို့က ပြောသည်။ မြစ်ကြီးနားမြို့ တွင်းရှိကျန်းကျန်းအလှပြင် ဆိုင်မှ ဆံပင်ညှပ်ဆရာကိုအားချန့်က ၎င်းတို့ ဆိုင်သည် လက်ရှိတွင်မီးစက်မောင်းကာ အလုပ် မလုပ်ရတော့ခြင်းကြောင့် ကုန်ကျစရိတ် ၉၀ ရာခိုင်နှုန်းခန့်အထိသက်သာသွားကြောင်း ပြောသည်။ လျှပ်စစ်မီး ပုံမှန်မရရှိမီက မီးစက်မောင်း ကာ လျှပ်စစ်မီး
သုံးစွဲခြင်းကြောင့် ဒီဇယ်ဆီဖိုး မှာ တစ်နေ့လျှင် အနည်းသုံး ကျပ် ၂၀,၀၀၀ မှ ၃၀,၀၀၀ အထိကုန်ကျခဲ့ကြောင်း ၎င်းက ပြောသည်။

The Myanmar Times

သတင်းများကိုဆုံးအောင်ဖတ်တဲ့ အတွက်ကျေးဇူးပါ