မိုးညှင်းသတင်းအဖွဲ့ဆောင်ပါလေးပါ

နိုင်ငံတစ်နိုင်ငံနှင့် တပ်မတော်တစ်ရပ်
------------------------------------------
ကမ္ဘာ့နိုင်ငံအသီးသီးသည် မိမိနိုင်ငံနှင့်လူမျိုးကို ကာကွယ်စောင့်ရှောက်ရန် အမျိုးသား တပ်မတော်တစ်ရပ်ကို ထူထောင်ထားစမြဲဖြစ်သည်။ ကမ္ဘာပေါ်တွင် တပ်မတော်ထူထောင်မထားသော နိုင်ငံဟူ၍မရှိ။ နိုင်ငံတိုင်းသည် ကိုယ်ပိုင်အမျိုးသားတပ်မတော်နှင့် လုံခြုံမှုရှိစွာ ကမ္ဘာ့အလယ်တွင် ရပ်တည်နေကြသည်သာဖြစ်သည်။

ကမ္ဘာ့နိုင်ငံအသီးသီး၏ ကာကွယ်ရေးအင်အားတည်ဆောက်မှု
------------------------------------------------------------------------
ကမ္ဘာ့နိုင်ငံအသီးသီးသည် မိမိနိုင်ငံ၏ကာကွယ်ရေးအင်အားကို ကြီးထွားသည်ထက် ကြီးထွားအောင် တည်ဆောက်နေကြသည်။ ခေတ်မှီလက်နက်ပစ္စည်းများ၊ ခေတ်မီစစ်ဘက်ဆိုင်ရာ နည်းပညာနှင့် ပညာရပ်အသီးသီးကို တပ်ဆင်သင်ကြား လေ့ကျင့်လျက်ရှိကြသည်။ စစ်ရေးစွမ်းရည် အမျိုးမျိုးကိုလည်း သူ့ထက်ငါ မြင့်မားနေစေရန် အပြိုင်အဆိုင် မြှင့်တင်နေကြသည်။ ဤသို့မြှင်တင်နေကြသည်မှာ အကြောင်း(၃)မျိုးကြောင့်ဖြစ်သည်။ ပထမအချက်မှာ မိမိနိုင်ငံအပေါ် စစ်ဆင်နွှဲလာလိမ့်မည်မဟုတ်ဟု ပြည်ပနိုင်ငံများအပေါ် မယုံကြည်၊ စိတ်မချရဲသောကြောင့်ဖြစ်သည်။
ဒုတိယအချက်မှာ လွတ်လပ်သောနိုင်ငံ၊ လွတ်လပ်သောလူမျိုးအဖြစ် ဂုဏ်သိက္ခာရှိစွာ ကမ္ဘာတည်သရွေ့ ရပ်တည်ထားနိုင်ရန်ဖြစ်သည်။ တတိယအချက်မှာ မိမိနိုင်ငံနှင့် လူမျိုး၏အားကိုး အားထားပြုရမည့် အင်အားအစစ်အမှန်မှာ မိမိ၏အမျိုးသားတပ်မတော်သာလျှင် ဖြစ်နေသောကြောင့် ဖြစ်သည်။

တစ်နိုင်ငံနှင့် တစ်နိုင်ငံ မျက်ခြည်မပြတ်စောင့်ကြည့်နေကြခြင်း
------------------------------------------------------------------------
နိုင်ငံတိုင်းသည် အထူးသဖြင့် မိမိအိမ်နီးနားချင်း နိုင်ငံများ၏ ကာကွယ်ရေးအင်အား တိုးချဲ့မှုကို မျက်ခြည်မပြတ် လေ့လာစောင့်ကြည့်လျက်ရှိကြသည်။ မိမိနိုင်ငံထက် ကာကွယ်ရေးအင်အား သာလွန် မသွားစေရန်အတွက် ဖြစ်သည်။ မိမိနိုင်ငံထက် အင်အားသာလွန်သွားပါက နှစ်နိုင်ငံငြင်းပွားဖွယ်ရာ ကိစ္စရပ်များ ပေါ်ပေါက်လာသည့်အခါ အပေါ်စီး အသာစီးမှ ရပ်တည်ဖြေရှင်းမည် ဖြစ်သောကြောင့် ဖြစ်ပါသည်။
တစ်နိုင်ငံနှင့် တစ်နိုင်ငံ ကာကွယ်ရေးချိန်ခွင်လျှာ ညီမျှနေပါက မည်သူကမျှ အသာစီး မယူနိုင်ဘဲ တန်းတူရည်တူ ရပ်တည်နိုင်ကြမည်ဖြစ်သည်။ ထို့ကြောင့် နိုင်ငံတိုင်းသည် မိမိအပေါ် အခြားမည်သည့်နိုင်ငံကမျှ သြဇာအရှိန်အ၀ါ မသုံးစေရန် မိမိ၏ကာကွယ်ရေးအင်အားကို နိုင်ငံတကာ နှင့် ရင်ဘောင်တန်းနိုင်စေရန် တိုးချဲ့နေကြသည်သာဖြစ်သည်။

အမိနိုင်ငံ၏ တပ်မတော်
-----------------------------
အမိမြန်မာနိုင်ငံ၏ တပ်မတော်သည် တိုင်းရင်းသား မိဘပြည်သူများ၏ ရင်နှစ်သည်းချာများဖြင့် ဖွဲ့စည်းထားသော တပ်မတော်ဖြစ်ပါသည်။ သားသမီးများသည် မိဘကို အလုပ်အကျွေးပြုပြီး ကာကွယ်စောင့်ရှောက်သကဲ့သို တပ်မတော်သားများကလည်း အမိအဖဖြစ်သော မိဘပြည်သူများကို အလုပ်အကျွေးပြု၍ ကာကွယ်စောင့်ရှောက်လျက်ရှိပါသည်။
တပ်မတော်၏အင်အားနှင့် စစ်ရေးစွမ်းရည်သည် အမိနိုင်ငံနှင့် ပြည်သူများအတွက်သာ ဖြစ်ပါသည်။ နိုင်ငံတော်နှင့် လူမျိုးအပေါ် ရိုးသားသော၊ တည်ကြည်သော၊ သစ္စာရှိသော၊ စွန့်လွှတ်စွန့်စားသော၊ အသက်ကိုပင် ပေးလှူပါမည်ဟု သစ္စာပြုထားသော တပ်မတော်ဖြစ်ပါသည်။ တိုင်းရင်းသား မိဘပြည်သူများ၏ အားကိုးအားထားပြုရာ အင်အားအစစ်အမှန်ပင် ဖြစ်ပါသည်။

နိုင်ငံတစ်နိုင်ငံ၏ လက်တွေ့အခြေအနေနှင့် လက်တွေ့လိုအပ်ချက် (Current Situation and Current Needs)
--------------------------------------------------------------------------------------
နိုင်ငံတိုင်းသည် မိမိနိုင်ငံ၏လက်တွေ့အခြေအနေ (Current Situation) နှင့် လက်တွေ့ လိုအပ်ချက်(Current Needs) ကို မှန်ကန်စွာသုံးသပ်ပြီး မိမိ၏ဓနအင်အားအလိုက် ဦးစားပေး အကောင်အထည်ဖော်ရမည့် လုပ်ငန်းများကို ဆုံးဖြတ်ရွေးချယ်ကြသည်သာ ဖြစ်သည်။ ဤသဘောအရ အမိမြန်မာနိုင်ငံ၏ လက်တွေ့အဖြေအနေအရပ်ရပ်ကို သုံးသပ်ကြည့်ပါက ဦးစားပေးဆောင်ရွက်ရမည့်လုပ်ငန်း သို့်မဟုတ် ကဏ္ဍများထဲတွင် နိုင်ငံတော်လုံခြုံရေးနှင့် ကာကွယ်ရေးကဏ္ဍသည်လည်း အပါဝင်ဖြစ်သည်။
လူတစ်ဦးအတွက် ကျန်းမာရေးသည် လာဘ်တစ်ပါးဖြစ်သကဲ့သို့ နိုင်ငံတစ်နိုင်ငံအတွက် လုံခြုံရေးနှင့် တည်ငြိမ်အေးချမ်းရေးသည် မည်သည့်အရာနှင့်မျှ အစားထိုးလဲလှယ်၍ မရသောအရာပင်ဖြစ်သည်။ နိုင်ငံတော၏ ကာကွယ်ရေးအင်အားကို ကြံ့ခိုင်အောင် ကြိုးပမ်းနေခြင်းသည် နိုင်ငံနှင့် လူမျိုးတည်တံခိုင်မြဲအောင် ဆောင်ရွက်ခြင်းပင်ဖြစ်သည်။

နိုင်ငံတော်နှင့် တပ်မတော်သည် ရေကန်နှင့်ကြာပမာ
---------------------------------------------------------------
နိုင်ငံတော်နှင့် တပ်မတော်သည် ရေကန်နှင့် ကြာပမာ အလားသဏ္ဌာန်တူညီသည်။ ရေကန်သည် နိုင်ငံတော်ဖြစ်ပြီး ကြာပန်းသည် တပ်မတော်ဖြစ်သည်။ ရေကန်သည် ကြာပန်းရှိမှ တင့်တယ်သာယာမည်။ ကြာပန်းမရှိက မတင့်တယ်၊ မသာယာ။ ကြာပန်းသည်လည်း ရေကန်မရှိက အသက်ရှင်သန်မရပ်တည်နိုင်။ ရေကန်၏ သာယာလှပမှုကို ကြာပန်းကတာဝန်ယူသကဲ့သို့ ကြာပန်း၏အသက်ရှင်သန်မှုကိုလည်း ရေကန်ကတာဝန်ယူသည်။
ဤသဘောအရ နိုင်ငံတော်၏လုံခြုံမှုနှင့် တည်ငြိမ်အေးချမ်းမှုကို တပ်မတော်က တာဝန်ယူသည်။ နိုင်ငံတော်ကလည်း တပ်မတော်၏ ရှင်သန်ရပ်တည်မှုကို တာဝန်ယူသည်။ တပ်မတော်မရှိက နိုင်ငံတော်အဓွန့်ရှည်ကြာစွာ မရပ်တည်နိုင်သကဲ့သို့ နိုင်ငံတော်မရှိပါကလည်း တပ်မတော် ဆက်လက်ရပ်တည်နိုင်စွမ်းမရှိချေ။

နိုင်ငံတော်နှင့် တပ်မတော်သည် ကျွန်းကိုင်းမှီ၊ ကိုင်းကျွန်းမှီ
----------------------------------------------------------------------
နိုင်ငံတော်နှင့် တပ်မတော်သည် ကျွန်းကိုင်းမှီ၊ ကိုင်ကျွန်းမှီဆိုသည့်သဘောနှင့် အလား သဏ္ဌာန်တူညီသည်။ ကျွန်းသည် အမိနိုင်ငံတော်ဖြစ်ပြီး ကိုင်းပင်သည်တပ်မတော်ပင် ဖြစ်သည်။ ကျွန်းသည် မိမိ၏တည်တံ့ခိုင်မြဲမှုအတွက် ကိုင်းပင်၏အမြစ်များကို အားကိုးရသည်။ ကိုင်းပင်ကလည်း ၄င်း၏ရှင်သန်ရပ်တည်မှုအတွက် ကျွန်းကိုအားကိုးရသည်။ ကျွန်းမရှိပါက ကိုင်းပင်မရပ်တည်နိုင်သကဲ့ သို့ ကိုင်းမရှိပါကလည်း ကျွန်းမရပ်တည်နိုင်။
ဤသဘောအရ နိုင်ငံတော်သည် မိမိတည်တံ့ခိုင်မြဲမှုနှင့် လုံခြုံမှုအတွက် တပ်မတော်ကို အားကိုးရသည်။ တပ်မတော်မရှိပါက နိုင်ငံတော်မရပ်တည်နိုင်သကဲ့သို့ နိုင်ငံတော်မရှိပါကလည်း တပ်မတော် မရပ်တည်နိုင်ချေ။

သမိုင်းသင်ခန်းစာ(၃)ရပ်နှင့် အမိနိုင်ငံတော်
------------------------------------------------------
အမိနိုင်ငံတော်နှင့် တပ်မတော်သည် သမိုင်းကပေးသော သင်ခန်းစာ(၃)ရပ်ကို ရရှိထားသည်။ ပထမသင်ခန်းစာမှာ တပ်မတော်တစ်ရပ်သည် သူရသတ္တိနှင့် မျိုးချစ်စိတ်ပြင်းထန်းနေစေကာမူ ခေတ်မှီတပ်မတော်မဟုတ်ပါက စစ်ပွဲကို နိုင်အောင်တိုက်နိုင်စွမ်းမရှိ။
ဒုတိယသင်ခန်းစာမှာ တပ်မတော်တစ်ရပ်သည် မိမိ၏အင်အားနှင့် စစ်ရေးစွမ်းရည်ကို ပြောင်းလဲဖြစ်ပေါ်နေသော ကမ္ဘာ့အခြေအနေ အရပ်ရပ်နှင့် လိုက်လျောညီထွေစွာ မြှင်တင်နေမှသာ လျှင် နိုင်ငံနှင့်လူမျိုးကို အောင်မြင်စွာ ကာကွယ်စောင့်လျှောက်နိုင်မည်။
တတိယသင်ခန်းစာမှာ တပ်မတော်သည် နိုင်ငံတော်လုံခြုံရေးနှင့် ကာကွယ်ရေးတာဝန်များကို အောင်မြင်စွာထမ်းဆောင်နိုင်ရန်အတွက် မိဘပြည်သူများ၏ တစ်ခဲနက်ထောက်ခံအားပေးမှုသည် မရှိမဖြစ် လိုအပ်သည်ဟူ၍ဖြစ်သည်။
သမိုင်းသင်ခန်းစာဆိုသည်မှာ အောက်မေ့သတိရနေရုံသက်သက်မဟုတ်။ အလေးအနက်ဆင် ခြင်သုံးသပ်ပြီး လိုအပ်သည့် ပြုပြင်ပြောင်းလဲမှုများကို အချိ်န်မီ ပြုလုပ်နေရမည်ဖြစ်သည်။

အင်အားကြံ့ခိုင်ပြီး ခေတ်မှီတပ်မတော်ရှိခြင်းကြောင့် နိုင်ငံတော်တွင်ဖြစ်ပေါ်လာသော အကျိုးတရား(၁၁)မျိုး
--------------------------------------------------------------
နိုင်ငံတစ်နိုင်ငံ၏တပ်မတော်သည် အင်အားကြီးမားမှု၊စိတ်ဓာတ်ကြံ့ခိုင်မှု၊ စွမ်းရည်မြင့်မားမှု၊ စည်းကမ်းနှင့် အမိန့်နာခံမှုမြင့်မားမှု၊ သဘောတရားနှင့် ယုံကြည်ချက်၊ ခံယူချက်မှန်ကန်မှု၊ ခေတ်မီမှုစသည့် အချက် များရှိပါက နိုင်ငံအနေဖြင့် အောက်ဖော်ပြပါ အား(၁၁)မျိုးကို လက်ခံရရှိပါသည်။ ဤအကျိုးတရားများ သည် နိုင်ငံတော်၏အင်အားကို ပိုမိုကြံ့ခိုင်တောင့်တင်းလာစေသည်-
- (က) နိုင်ငံ၏တည်ငြိမ်မှုနှင့် လုံခြုံမှုပိုမိုမြင့်မားလာခြင်း။
-(ခ) နိုင်ငံသူနိုင်ငံသားများ၏ဘ၀ ပိုမိုတည်ငြိမ်လုံခြုံအေးချမ်းသာယာလာခြင်း။
- (ဂ) နိုင်ငံ၏နယ်ပယ်နှင့်ကဏ္ဍအသီးသီးအရှိန်အဟုန်ဖြင့် ပိုမိုအောင်မြင်လာခြင်း။
-(ဃ) နိုင်ငံသူနိုင်ငံသားများအနေဖြင့် စိတ်ပိုင်းဆိုင်ရာလုံခြုံမှုအပြည့်အ၀၊ ယုံကြည်စိတ်ချမှု အပြည့်အ၀ဖြင့် နေထိုင်နိုင်ခြင်း။
-(င) ကမ္ဘာ့နိုင်ငံများ၏ လေးစားစွာ ထိတွေ့ဆက်ဆံမှုကို ခံယူရရှိခြင်း။
(စ) ဒေသဆိုင်ရာအရေးအခင်းကိစ္စရပ်များတွင် အရေးပါသောအခန်းကဏ္ဍမှ ပါဝင်ဆောင် ရွက်ရခြင်း။
-(ဆ) နိုင်ငံအပေါ် ပြည်ပနိုင်ငံအသီးသီးက နိုင်ငံရေး၊ စစ်ရေး၊ စီးပွားရေးဆိုင်ရာ ဖိအားအမျိုး မျိုး၊ သြဇာအရှိန်အ၀ါအမျိုးမျိုး မသုံးစွဲနိုင်ခြင်း။
-(ဇ) ကမ္ဘာ့နိုင်ငံများ အထူးသဖြင့် အိမ်နီးနားချင်းနိုင်ငံများက စစ်ရေးအရကျူးကျော်မှု၊ ရန်စ မှုများမပြုလုပ်ရဲခြင်း။
-(ဈ) အိမ်နီးနားချင်းနိုင်ငံများနှင့် အငြင်းပွားဖွယ်ရာကိစ္စရပ်များ ပေါ်ပေါက်လာပါက ခိုင်ခိုင် မာမာပြတ်ပြတ်သားသား ရပ်တည်ဖြေရှင်းနိုင်ခြင်း။
-(ည) နိုင်ငံတော်အစိုးရနှင့် တပ်မတော်အပေါ် နိုင်ငံသူ၊ နိုင်ငံသားအပေါင်းက ပိုမိုယုံကြည်မှု၊ အားကိုးအားထားပြုမှု၊ ဂုဏ်ယူမှုများဖြစ်ပေါ်လာခြင်း။
-(ဋ) နိုင်ငံနှင့်လူမျိုး၏ အမျိုးဘာသာ၊ သာသနာ၊ ယဉ်ကျေးမှုအမွေအနှစ်များ မပျောက်မပျက်ရအောင် ထိန်းသိမ်းကာကွယ် စောင့်ရှောက်နိုင်ခြင်း။

နိုင်ငံတော်ကာကွယ်ရေးနှင့် မိဘပြည်သူများ အားပေးထောက်ခံမှု
--------------------------------------------------------------------------
နိုင်ငံတော်ကာကွယ်ရေးနှင့် လုံခြုံရေးတွင် မိဘပြည်သူများ၏ အခန်းကဏ္ဍအရေးကြီးပုံနှင့်ပတ် သက်၍ အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ မိန့်မှာချက်အချို့ကို ဖော်ပြလိုသည်။

“ တိုင်းပြည်ကာကွယ်ဖို့အတွက် မြန်မာပြည်မှာ စစ်သားတွေ နည်းနေတယ်ဆိုလို့ရှိရင် မြန်မာ တိုင်း၊ မြန်မာတိုင်း အရွယ်ရောက်တဲ့လူမှန်သမျှ၊ ကျန်းမာတဲ့လူမှန်သမျှ စစ်မှုမထမ်းမနေရဆိုပြီးတော့ အတင်းဥပဒေနဲ့ စစ်တပ်ထဲကို ထည့်ရလိမ့်မယ် ” ( တိုင်းပြည်၊ ပြည်ပြု လွှတ်တော်မိန့်ခွန်းမှ)

“ ကျွန်တော်တို့တိုင်းပြည်ဟာ တကယ်တော့ စစ်တိုက်တဲ့အချိန်မျိုးမှာ လူတစ်သန်း စစ်တပ် အင်အားရှိရမယ်၊ ရှိမှကောင်းမယ် ” ( တိုင်းပြည်၊ ပြည်ပြုလွှတ်တော်မိန့်ခွန်းမှ)

“ ဒါကြောင့် ကျုပ်တို့တပ်မတော်ကြီးကို တိုင်းသူပြည်သားများက အားဖြည့်ကြပါ၊ တိုက်ရမယ့် ၀တ္တရားက ကျွန်တော်တို့ ၀တ္တရားပါ၊ အားပေးရမယ့် ၀တ္တရားက တိုင်းပြည်ရဲ့ဝတ္တရားပါ၊ အားပေးတယ် ဆိုတာ လက်ဆုပ်လက်ကိုင်ပြနိုင်တဲ့ အားကိုဆိုလိုတာပါ ” ( စစ်ကြပ်အရာရှိ မူလတန်းနှင့် လေကြောင်း အတတ်သင်ကျောင်း ဖွင့်လှစ်ခြင်း မိန့်ခွန်းမှ)

ကြိုတင်၍ကာကွယ်ခြင်းသည် ကုသခြင်းထက် ကောင်းမွန်သည်
-------------------------------------------------------------------------
ကြိုတင်ကာကွယ်ခြင်းသည် ကုသခြင်းထက်ကောင်းမွန်သည်ဟု အဆိုရှိသည်။ ဤအဆိုအမိန့် အရ အမိနိုင်ငံအပေါ် ကျရောက်မည့် အန္တရာယ်အမျိုးမျိုးကို ကြိုတင်ကာကွယ်သည့်အနေဖြင့် အင်အားကြံ့ခိုင်ပြီး စွမ်းရည်ထက်မြက်သော ခေတ်မီတပ်မတော်တစ်ရပ်ကို ထူထောင်ထားရန်သာဖြစ် ပါကြောင်း တင်ပြအပ်ပါသည်။