အမြတ်ဆုံးတရား ခြောက်ပါး (၈) ===================

အမြတ်ဆုံးတရား ခြောက်ပါး (၈)
===================

- မင်းနန်(မော်ကျွန်း)
မြတ်စွာဘုရားနှင့်တပည့်သာဝကတို့ကို လုပ်ကျွေးခြင်း
*****************************************
''တပည့်တော်ကိုသနားလျှင်ခွင့်ပြုပါ။ တစ် သံသရာလုံး တပည့်တော်ရဲ့ လက်တွေခြေတွေဟာ သား ကျွန်၊ မယားကျွန်ပဲ ဖြစ်ခဲ့ရပါတယ်။ ကံကောင်းထောက်မ လို့ သာသနာနဲ့ကြုံတုန်း သာသနာ့ကျွန်၊ သံဃာ့ကျွန် အမှု ပြုခွင့်ပေးကြပါဘုရား''
အထက်ပါစကားကို မိန့်တော်မူသော ထေရ် အရှင်မြတ်မှာ သာသနာသမိုင်းဝင် ထင်ရှားသော ကျေး ဇူးတော်ရှင် လယ်တီဆရာတော်ကြီး ဖြစ်တော်မူပါသည်။ ဆရာတော်ကြီးသည် မုံရွာမြို့တွင်းသို့ ဆွမ်းခံကြွစဉ်တိုင်း ရေအိုး၊ တံမြက်စည်းများကို သပိတ်နှင့်တကွ ယူဆောင် ကြွသွားလေ့ရှိပါသည်။
ရွှေစည်းခုံဘုရားအနီးရှိ ချောက် ကြီးများကို မြေဖို့ခြင်း၊ လမ်းခင်းခြင်းများကို ပြုတော် မူပါသည်။ မိမိ၏ ကျောင်းတိုက်၌သာမဟုတ်မူ လျက် တခြားဘုန်းကြီးကျောင်းများတွင်ပင် ကုဋီ မှအစ ရေခပ်လောင်းထည့်ခြင်း၊ တံမြက်လှည်းခြင်း များ ပြုတော်မူပါသည်။
ရတနာသုံးပါးဝတ်ကို အနှစ် နှစ်ဆယ်ကျော် ဆောင်ရွက်တော်မူသော ဆရာတော် ကြီးက ''ခန္ဓာကိုယ် အငှားနွားကြီးကို တန်အောင်ခိုင်းမှ ဟေ့''ဟုလည်း မိန့်တော်မူလေ့ရှိပါ၏။
နေ့စဉ်နှင့်အမျှ မိမိတို့ကျောင်းသို့လာရောက် ၍ ရေခပ်၊ တံမြက်လှည်းနေသော လယ်တီဆရာတော် ကြီးကို မြို့တွင်းကျောင်းခံဘုန်းကြီးများက အားနာလွန်း သဖြင့် ''လယ်တီဘုန်းကြီး သည်လိုမလုပ်ပါနဲ့။ သည်းခံ ပါတော့၊ တော်လောက်ပါပြီ''ဟု တောင်းပန်ကြသော ကြောင့် (ဤဆောင်းပါးအဖွင့်တွင် ဖော်ပြထားသော) အ ထက်ပါစကားကို ပြန်လည်မိန့်တော်မူခဲ့ခြင်း ဖြစ်ပါသည်။
ဆရာတော်ကြီးသည် သံဃာတော်များကို ဆွမ်းခံကျွေးရုံမျှမက ဆွမ်းစားပြီးလျှင်လည်း သံဃာ များ ဘုဉ်းပေးပြီးသော ပန်းကန်ခွက်ယောက်များကို ကိုယ်တိုင် ဆေးကြောတော် မူပါသည်။ မမာမကျန်းဖြစ်နေ သော ဂိလာနသံဃာတော်များကို လည်း ကိုယ်တိုင်ပြုစုတော်မူပါသည်။ ကျေးဇူးတော်ရှင် လယ်တီဆရာတော် ကြီး၏ 'ဗုဒ္ဓဝေယျာဝစ္စ' 'သံဃာ့ ဝေယျာဝစ္စ' ဆောင်ရွက်တော်မူပုံ မှာ စံပြုအတုယူဖွယ်ကောင်းလှသလို ကြည်ညိုဖွယ်လည်း ဖြစ်ပါ၏။
ဘုရား၊ တရား၊ သံဃာရတနာသုံးပါးကို ကိုး ကွယ်သော ဗုဒ္ဓဘာသာဝင်များသည် ရတနာသုံးပါး၏ ဂုဏ်ကျေးဇူးကို နှလုံးသွင်းဆင်ခြင်လျက် စွမ်းနိုင်သမျှ ဗုဒ္ဓဝေယျာဝစ္စ၊ သံဃာ့ဝေယျဝစ္စတို့ကို ဆောင်ရွက်သင့်ပါ သည်။ စင်စစ် ဝေယျာဝစ္စဆောင်ရွက်ခြင်းသည် 'စရဏ ကုသိုလ်'ဖြစ်ပါ၏။
မျက်မှောက်အချိန်အခါတွင် ဘုရား ရှင် သက်တော်ထင်ရှားမရှိစေကာမူ ဘုရားရှင်ကိုရည် မှန်း၍ ကိုယ်တော်အစား တည်ထားကိုးကွယ်သော ရုပ် ပွားဆင်းတုတော်များကား မြို့တိုင်းရွာတိုင်းတွင်ရှိသည်။ ဗုဒ္ဓဘာသာဝင်တို့၏ အိမ်တိုင်းတွင်ရှိသည်။
ဗုဒ္ဓဘာသာဝင်တို့အနေဖြင့် မိမိ၏ အိမ်ဂေ ဟာတွင် ကိုးကွယ်ထားရှိသော ရုပ်ပွားဆင်းတုတော်ကို သက်ရှင်ထင်ရှားပမာ သဘောထားလျက် ရိုရိုသေသေ၊ လေးလေးမြတ်မြတ် ဆည်းကပ်ကိုးကွယ်ရမည်ဖြစ်ပါ သည်။
မိမိအိမ်ရှိ ဘုရားရှင် သီတင်းသုံးတော်မူရာ ဘုရားကျောင်းဆောင်ကို သန့်ရှင်းရေးမှန်မှန်ဆောင် ရွက်ခြင်း၊ ဆွမ်း၊ ရေချမ်း၊ ပန်း၊ ဆီမီး အမွှေးနံ့သာတို့ဖြင့် အချိန်မှန်ပူဇော်ခြင်း၊ နေ့စဉ်ဝတ်မပျက် ရှိခိုးပူဇော်ခြင်း တို့ပြုရမည်။ သပိတ်၊ ဟင်းပန်းကန်၊ သောက်တော်ရေ ခွက် စသည့် ဘုရားရှင်၏ အသုံးအဆောင် ပစ္စည်းတို့ကို သန့်ရှင်းတောက်ပြောင်စေရန် တိုက်ချွတ်ဆေးကြောမှု ပြုရပေမည်။
ထို့ပြင် ဆင်းတုတော်အား ရေသပ္ပာယ်ခြင်း၊ ရွှေသင်္ကန်းကပ်လှူ ခြင်းတို့ကို အခါအားလျော်စွာပြုရပေမည်။ ဘုရားကျောင်းဆောင် ရှေ့တွင် မဖွယ်မရာသော အပြုအမူ၊ အပြောအဆိုတို့ကို ဘုရား ရှင်အပေါ် ဂါရဝထားသောအားဖြင့် မပြုမိစေရန်၊ စောင့်စည်း ဆင်ခြင်သင့်ပါသည်။ ထို့ပြင် မိမိတို့မြို့နယ်ရှိ ဘုရားစေတီ များသို့ အဖူးအမြော်သွားရောက်ပြီး ဆီမီး၊ နံ့သာတို့ ကပ်လှူပူ ဇော်ဝတ်ပြုရှိခိုးခြင်း၊ တံမြက်လှည်းခြင်း၊ ပန်းအိုးများ ရေလဲလှယ် ပေးခြင်း အစရှိသော ဝေယျာဝစ္စကောင်းမှုများ ပြုသင့်ပါသည်။
သံဃာတော်အရှင်မြတ်များနှင့် စပ်လျဉ်း၍လည်း မိမိ၏နေအိမ်သို့ ဆွမ်းခံကြွရောက်သော သံဃာတော်များကို ရိုရိုသေသေ ဆွမ်းလောင်း လှူသင့်ပါသည်။ ထို့ပြင် ဆွမ်းခံကိုယ် တော်၏ လိုအပ်ချက်ကို မေးမြန်းလျှောက်ထား၍ မိမိစွမ်းနိုင် သမျှ ငွေကြေးဖြင့်ဖြစ်စေ၊ လုပ်အားဖြင့်ဖြစ်စေ ဖြည့်ဆည်းပေး သင့်ပါသည်။ ဥပမာအားဖြင့် စာသင်သားသံဃာအတွက် ဗလာ စာအုပ်၊ ဘောပင် စသည် လိုအပ်လျှင် လှူဒါန်းသင့်ပါသည်။
ခရီးသွားလာစရာရှိသည်ဆိုလျှင်၊ သင်္ဘောလက်မှတ်၊ ကားလက် မှတ်တို့ကို ဝယ်ယူစီစဉ်ပေးသင့်ပါသည်။ ငွေကြေးမချမ်းသာသူ တို့အဖို့မူ မိမိ၏ဥာဏအား၊ ကာယအားဖြင့် သံဃာတော်တို့၏ အရေးအရာအဖြာဖြာကို ကုသိုလ်ယူ ဆောင်ရွက်ပေးသင့်ပါ သည်။ မိမိတို့ကိုးကွယ်ရာ ဘုန်းတော်ကြီး ကျောင်းတိုက်တွင် သာသနာရေးဆိုင်ရာ အခမ်းအနားများ၊ အလှူမင်္ဂလာပွဲများ ကျင်းပလျှင် မိမိစွမ်းနိုင်သမျှ လုပ်အားပါဝင်ကုသိုလ်ယူဆောင် ရွက်သင့် ပါသည်။
ဗုဒ္ဓဂုဏ်၊ သံဃာ့ဂုဏ်ကို အဖန်ဖန်အောက်မေ့နှလုံးသွင်းခြင်း
ဘုရား၊ တရား၊ သံဃာဟူသော ရတနာမြတ်သုံးပါး ကို ကိုးကွယ်သော ဗုဒ္ဓဘာသာဝင်များသည် သြကာသဘုရား ရှိခိုးဖြင့်ဝတ်ပြုရာ၌ ရတနာသုံးပါး ဂုဏ်တော်များကို ရွတ်ဆိုကန် တော့ကြပါသည်။ ထိုသို့ ရွတ်ဆိုကန်တော့စေကာမူ ဂုဏ်တော် တစ်ပါးချင်းစီ၏ အနက်အဓိပ္ပာယ်တွေကို သိရှိသူတွေရှိသလို မသိရှိသူတွေလည်း အများအပြားပင်။ အမှန်တော့ ဂုဏ်တော် တစ်ပါးချင်းစီ၏ အနက်အဓိပ္ပာယ်ကိုသိရှိအောင် လေ့လာသင့် ပါသည်။ ဂုဏ်တော်တစ်ပါးချင်းစီ၏ အနက်အဓိပ္ပာယ်ကိုသိရှိ မှသာ နှလုံးသွင်း ဆင်ခြင်နိုင်ပါလိမ့်မည်။
ပါဠိသက်သက်၊ အနက် မသိဘဲ ရွတ်ဖတ်နေလျှင် နှလုံးသွင်း ဆင်ခြင်နိုင်မည်မဟုတ်ပါ ချေ။
ဥပမာအားဖြင့် 'အရဟံ'ဟုရွတ်ဆိုရာတွင် အရဟံ ဂုဏ်တော်၏ အနက်အဓိပ္ပာယ်ဖြစ်သော ''ကိလေသာဟူသော အပူအညစ်ခပ်သိမ်းတို့မှ ကင်းငြိမ်းစင်ဖြူ၍ နတ်၊ လူ၊ ဗြဟ္မာ သတ္တဝါတို့၏ ပူဇော်အထူးကို ခံယူတော်မူထိုက်ပေသော မြတ် စွာဘုရား''ဟူသည်ကို သိဖို့လိုပါသည်။
ဤသို့သိရှိမှသာ နှလုံး သွင်း ကြည်ညိုနိုင်မည်ဖြစ်ပါသည်။ သံဃာဂုဏ်တော်များကို နှလုံးသွင်းရာတွင်လည်း ဂုဏ်တော်တစ်ပါးချင်းစီ၏ အနက် အဓိပ္ပာယ်ကို သိရှိပြီးမှ နှလုံးသွင်းဆင်ခြင်နိုင်ပါလိမ့်မည်။ ဥပမာ အားဖြင့် ''သုပ္ပဋိပန္နော''ဟု ရွတ်ဆိုရာတွင် ၄င်းဂုဏ်တော်၏ အနက်အဓိပ္ပာယ်ဖြစ်သော ''မြတ်စွာဘုရား၏ တပည့်သား သံဃာတော် အပေါင်းသည် ရာဂ၊ ဒေါသ၊ မောဟကင်းအောင် သီလ၊ သမာဓိ၊ ပညာ အကျင့်ကောင်းကို ကောင်းစွာကျင့်ကြံ တော်မူပါ၏''ဟု သိဖို့လိုပါသည်။ ထိုသို့သိရှိမှသာ ကောင်းစွာ နှလုံးသွင်း ကြည်ညိုနိုင်ပါလိမ့်မည်။
ဂုဏ်တော်များကို မြန်မာအဓိပ္ပာယ်သိရှိအောင် အား ထုတ်ပြီး မြန်မာလိုပွားများခြင်းသည် အကောင်းဆုံးဖြစ်ကြောင်း အရှင်ဆန္ဒာဓိကဆရာတော် က ဤသို့မိန့်တော်မူခဲ့ပါ၏။
''ဂုဏ်တော်များကို ကြည်ညိုဖို့ဆိုရင် ဂုဏ်တော်ရဲ့ အဓိပ္ပာယ်ကိုသိရမယ်။ သိထားတဲ့အဓိပ္ပာယ်ကိုလဲ ထပ်တလဲလဲ ပွားများရပါမယ်'' ပါဠိသက်သက် ပွားများရမှာမဟုတ်ပါဘူး။ ကိုယ်သိထားတဲ့ မြန်မာလိုအဓိပ္ပာယ်တွေကို ထပ်တလဲလဲပွား များရမှာ။ ထပ်တလဲလဲ စဉ်းစားရမှာ။ ပါဠိသက်သက်ရွတ်ပွားတာ မှားတယ်လို့မဆိုလိုပါဘူး။ မှန်ပါတယ်။ ကုသိုလ်လည်း ရသင့်သ လောက် ရပါတယ်။ ဒါပေမဲ့ မြန်မာလိုပွားများတာလောက် တော့ ရင်ထဲ၊ နှလုံးသားထဲ မရောက်ပါဘူး။ ကိုယ့် အတွင်းစိတ် ထဲကနေ လှိုက်လှိုက်လှဲလှဲ ကြည်ညို ဝမ်းမြောက်တာမျိုး မဖြစ် နိုင်ပါဘူး။ ဓာတ်ကူးစက်မှုအားလဲ သိပ်ကိုနည်းပါးတယ်။ မြန် မာစကား အမြဲသုံးနှုန်းနေတဲ့ လူတစ်ယောက်အတွက် ဂုဏ်တော် တွေကို မြန်မာလိုပွားများတာ အကောင်းဆုံးပါပဲ။ ကြည်ညို ဝမ်းမြောက်စိတ်လဲ ပိုအားကောင်းသလို ဓာတ်ကူးစက်မှုလဲ ပိုမိုနက်ရှိုင်းပါတယ်''
ဆရာကြီးဓမ္မာစရိယဦးဌေးလှိုင်က ''ရတနာသုံးပါး ကျေးဇူး''စာအုပ်(စာမျက်နှာ ၂၂၁)တွင် ''လက်တွေ့ဂုဏ်တော် ပွားပုံ''ကို ဤသို့ရေးသားခဲ့ပါသည်။
၁။ ဂုဏ်တော်များကိုမပွားများမီ ကိုယ်ခံဓာတ်များစင်ကြယ် သန့်ရှင်းအောင် သီလဖြင့် ဦးစွာဆေးကြောထားရမည်။ ပြီးလျှင် ခန္ဓာကိုယ်ကို ဘုရားလှူပါ။
၂။ ဂုဏ်တော်ပါဠိအနက် မြန်မာပြန်များကို ကျေညက်နေ အောင် အရကျက်ထားရမည်။ ရွတ်ဖတ်သရဇ္ဈာယ်နေရ မည်။ (ပွားများခြင်းမဟုတ်သေး)။
၃။ မိမိသဘောပေါက်သလို ကြောင်းကျိုးဆက်နွှယ်၍ အ လှယ်လှယ်၊ အပြန်ပြန် အနုလုံ၊ ပဋိလုံ ဂုဏ်တော်အားလုံး ကိုဖြစ်စေ၊ ကြိုက်နှစ်သက်ရာ ဂုဏ်တော် တစ်ခုခုကိုစွဲ၍ ဖြစ်စေ ပွားများနိုင်ပါသည်။ (လောကီမျှော်လင့်ချက်မထား ပါနှင့်)။
၎။ ပွားများသောအခါ ကမ္မဋ္ဌာန်းထိုင်သလိုထိုင်၍ ခါးအထက် ပိုင်းကို မတ်မတ်ထား၍ဖြစ်စေ၊ သွားလာလုပ်ကိုင်းရင်း၊ စားသောက်အိပ်နေရင်းဖြစ်စေ ပွားများနိုင်သည်။ အထူး သဖြင့် နှုတ်က လုံးဝမရွတ်ဆိုရ၊ ကျက်မှတ်ထားသည့်အ တိုင်း စိတ်ထဲကသာ ပြန်လှန်ရွတ်ဆို၍ စဉ်းစားနေရမည်။ (ဒါကိုပင် ရှုသည်၊ မှတ်သည်၊ ပွားသည်၊ သမထလုပ်သည်၊ ဘာဝနာပွားသည်၊ ကမ္မဋ္ဌာန်းထိုင်သည်ဟုခေါ်၏။ ပုတီး မလို၊ ထိုသတိရသောစိတ်တွေ များများကြီးလုပ်နိုင်မှုသာ ပဓာနဖြစ်၏။
၅။ စိတ်ကို အပြင်အာရုံများနောက်သို့ လိုက်မသွားစေရ။ ပုံသဏ္ဌာန် အရိပ်၊ နိမိတ်များဝင်လာသော်လည်း လက်ခံ လိုက်ပါသွားခြင်းမရှိစေရ။ လျစ်လျူရှုထားပြီးလျှင် ဂုဏ် တော်အပေါ်၌သာ စိတ်ကို စူးဝင်နေအောင် စိုက်ချထား ရမည်။
၆။ ဂုဏ်တော်တစ်ခုတည်း၊ သိစရာ(အာရုံ)တစ်ခုတည်း ထား ရသဖြင့် စိတ်မငြိမ်၊ ပျင်းရိပျံ့လွင့်မှုရှိနေလျှင် တခြားဂုဏ် တော်တစ်ခုသို့လှည့်၍ ပွား၊ အနေအထိုင် ဣရိယာပုတ် ကိုလည်း ပြောင်းလွှဲပေး။
၇။ အသက်မှန်မှန်ရှူ၊ လုံချည်လျော့လျော့ဝတ်၊ လုပ်စတွင် မိမိလုပ်နိုင်သော အင်အားနှင့် အခြေအနေ၏ သုံးပုံတစ်ပုံ လောက်ကသာ စပါ။ လောဘမကြီးရ။ ဝတ်မှန်ဖို့အရေး ကြီးသည်။ (တစ်ပတ်၊ တစ်နေ့-၁၅မိနစ်ခန့်)။
၈။ ရှုပွားသောအခါ အပူ၊ အအေး၊ ဗိုက်နာ၊ ခေါင်းနာစသော ရောဂါ၊ အသံဗလံနှင့် ခြင်၊ ပုရွတ်ဆိတ်စသော အတွင်းအ ပြင်ရန်သူများကို သည်းခံနိုင်မှသာ သမာဓိရလွယ်မည်။
၉။ ရှုပွားစဉ် ဘုရားရှင်ကိုယ်တော်မြတ်ကြီးပုံတော် ထင်မြင် သွားလျှင်လည်း ထင်ပစေ။ ပုံတော်ထင်လာလျှင် ဦးစား မပေးဘဲ အာရုံအသိလွှဲ၍ ဂုဏ်တော်ထိ ဆိုက်အောင် သမာဓိစိုက်ပြီး မလွတ်အောင်ဖမ်း။
၁ဝ။ ပီတိစသော အရသာပေါ်လာလျှင် နှစ်ရက်၊ သုံးရက်တွင် ပေါ်နိုင်၏။ အရသာခံမနေနှင့်။ ဂုဏ်တော်ကျေးဇူးတော် နှင့်စပ်သော အသိဥာဏ်ရင့်ကျက်အောင် ဝီရိယကို မြှင့် တင်ပြီး သမာဓိစိုက်ထား။ တစ်နေ့ထက်တစ်နေ့ ယုံကြည်မှု နှင့်အတူ သိပုံလေးနက်လာမှ တိုးတက်သည်။
၁၁။ ဂုဏ်တော်များသည် 'သဒ္ဓါအင်အား'များကို များစွာနှိုးဆွ ဖွင့်ဖော်ပေးတတ်၏။ အသိဥာဏ်အထိန်းမပါသော ယုံ လွယ်မှုသည် အလှည့်စားခံရတတ်၏။
အင်္ဂုတ္တရနိကာယ်၊ အနတ္တရိယဝဂ်၊ အနတ္တရိယသုတ် တွင် မြတ်စွာဘုရားက ''အမြတ်ဆုံးတရားခြောက်ပါး''ကို ဟော ဖော်ညွှန်ပြရာတွင် ဆဋ္ဌမမြောက် အမြတ်ဆုံးတရားမှာ ''ဗုဒ္ဓ ဂုဏ်၊ သံဃဂုဏ်ကို အဖန်ဖန်အောက်မေ့ နှလုံးသွင်းခြင်း''ဖြစ် လေရာ ထိုအမြတ်ဆုံးတရားကို ရရှိအောင် စွမ်းနိုင်သမျှ ကြိုး ပမ်းအားထုတ်သွားသင့်ပါသည်။
TheFlowerNews

မိုးညှင်းသတင်း apk ဘားရှင်း 3.0ရွှေရောင် အသုံးပြုနေသူများခင်ဗျာ ရွှေရောင်ဘားရှင်းအသစ်မှာ လူထုအော်သံ blogတစ်ခုထည့် ပေးထားပါသည် အဲဒီအတွက်ကြောင့်ကျွန်တော်များ မိုးညှင်းသတင်းapkသို့ မိမိတို့ဖြစ်ပျက်နေသော ခံစားနေရသော အကြောင်းအရာများကို ကျွန်တော်များမိုးညှင်းသတင်း gmail သို့ပေးပို့နိုင်ပါပြီ mohnyinnews@gmail.com