ကံ ကံ၏အကျိုး
▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
ကံဆိုတာ ကမ္မ ဆိုတဲ့ ပါဠိက ဆင်းသက်လာတဲ့ ပါဠိသက်ဝေါဟာရဖြစ်ပါတယ်။ အဲဒီ ကံရဲ့အဓိပ္ပာယ်ကို အားလုံးနားလည်အောင် ပြောရရင် ကံ ဆိုတာ "အလုပ်"ပါ။ အလုပ်ဆိုတာ ကံပါ။ အလုပ်မကောင်းက ကံမကောင်းပါ။ ကံမကောင်းက အကျိုးပေး မကောင်းပါ။ အလုပ်ကောင်းမှ ကံကောင်းပါတယ်။ ကံကောင်းမှ အကျိုးပေး ကောင်းပါတယ်။
အေး - ကိုယ် ကံကောင်းလား မကောင်းလားဆိုတာ ဗေဒင်ဆရာတွေ နတ်ကတော်တွေ မသိနိုင်ပါဘူး။ ဘယ်သူ သိနိုင်သလဲ။ မိမိကိုယ်တိုင် သိနိုင်ပါတယ်။
ကာယကံ အပြုမကောင်းရင် ဝစီကံ အပြောမကောင်းရင် မနောကံ အကြံမကောင်းရင် ကံမကောင်းပါ။ ကံမကောင်းရင် အကျိုးပေး မကောင်းပါ။ ကာယကံ အပြုကောင်းရင် ဝိပဿနာ ကုသိုလ်ကံရယ်လို့ အမျိုးမျိုးရှိလာပြန်ပါတယ်။ အဲဒီလောက်မှ မသိရင် အဲဒီ ကံတွေရဲ့အကျိုးလည်း မသိနိုင်ပါ။ မသိရင် ကံနှင့်ပတ်သက်လို့ အမှောင်ကျနေပါတယ်။ အမှောင်ထဲမှာ နေရသူပါ။
အကုသိုလ်ကံဆိုတာ မကောင်းတဲ့ကံပါ။ သူ့အသက်သတ်တာဟာ မကောင်းပါ။ သေရင် ငရဲမှာ ကျမှာပါ။ ငရဲမှ လွတ်တဲ့အခါ သူ့ကိုသတ်တဲ့အတိုင်း ကိုယ်ဘဝပေါင်းများစွာ ပြန်ပြီး အသတ်ခံရပါတယ်။ အဲဒီသဘောကို မသိရင် အမှောင်ကျနေပါတယ်။
အေး - ဒုက္ခရောက်တယ်ဆိုတာ အကုသိုလ်ကံက အကျိုးပေးတာပါ။ သူများတွေက လာပြီး ဒုက္ခပေးတာ မဟုတ်ပါ။ အဲဒီလို မသိရင် အမှောင်ထဲမှာ နေရပါတယ်။မိမိတို့ ရှာဖွေလို့ ရရှိတယ်။ စီးပွားဖြစ်တယ်ဆိုတာ အတိတ်က ပြုခဲ့တဲ့ ဒါနကုသိုလ်ကံနှင့် ပစ္စုပ္ပန် ဥာဏ် ဝီရိယတို့ကြောင့်ပါ။ အဲဒီသဘောကို မသိရင် ဘိုးတော်တွေ မယ်တော်တွေ နတ်တွေက မ,လို့ အထင်မှား အယူမှားပြီး အကိုးကွယ်ပါ ထပ်မှားပြန်ပါတယ်။
အေး - မိမိတို့က အသက်ရှည် အနာကင်း အဆင်းလှတယ်ဆိုတာ သီလကုသိုလ်ရဲ့ အကျိုးကျေးဇူးတွေပါ။ နောက်နောင် သီလကုသိုလ်မပါခဲ့ရင် ယခုဘဝ အရုပ်ဆိုးနေမှ မှန်ကြည့်လို့လည်း မလှတော့ပါ။
အေး - စိတ်တည်ကြည်တာ သမထကုသိုလ်ကံရဲ့ အကျိုးပါ။ ဥာဏ်ထက်မြက်တာက ဝိပဿနာကုသိုလ်ကံရဲ့ အကျိုးပါ။ ပင်ကိုယ်က ဥာဏ်ထိုင်းတဲ့လူ ဝိပဿနာအားထုတ်ရင် ဥာဏ်ကောင်းလာပါတယ်။ ကောင်းပြီးသားလူက အားထုတ်ရင် အလွန်ဥာဏ်ကောင်းလာပါတယ်။
ယခုပြောတဲ့ ကံတွေကို ခွဲဝေမသိနိုင်ရင် အမှောင်ထဲမှာ နေရပါတယ်။ အကုသိုလ်ကံတွေကြောင့် ဆင်းရဲဒုက္ခရောက်တယ်။ လှူဒါန်းပေးကမ်းလို့ ချမ်းသာကြွယ်ဝတယ်။ လှူလို့ ရတယ်။ ရလို့ လှူတယ်။ ဘယ်သူ မ,လို့မှ မဟုတ်ပါဘူး။ ဒါနကုသိုလ်ကံက မ,လို့ဆိုတာသိရင် အလင်းထဲမှာပါ။ ကောင်းကျိုးရတာ ကောင်းကံ မ,လို့ပါ။ အကြောင်းကုသိုလ်ကံတွေကိုလည်း သိလို့ အကြောင်း ကုသိုလ်ကံက ကောင်းကျိုးပေးမယ်ဆိုတာလည်း သိမယ်ဆိုရင် ကုသိုလ်ကံတွေ ကြိုးစားလုပ်မှာပါ။
ကံတစ်ခုကို လုပ်မိရင် အကျိုးသုံးပိုင်း ပိုင်းပေးပါတယ်။ ဆိုပါတော့ အကုသိုလ်ကံတစ်ခု လုပ်မိရင် အဲဒီ အကုသိုလ်ကံက မျက်မှောက်မှာလည်း ဒုက္ခပေးတတ်ပါတယ်။ မပေးရင် နောက်ဘဝမှာ ဒုက္ခပေးတတ်တယ်။ မပေးရင် တတိယဘဝက နိဗ္ဗာန်ရောက်သည့်တိုင်အောင် အခါအခွင့် သင့်တဲ့ဘဝမှာ အကျိုးဒုက္ခပေးပါတယ်။
ကုသိုလ်ကံကလည်း မျက်မှောက်သုခ နောက်ဘဝသုခ တတိယဘဝကနေ လျှောက်ပြီး နိဗ္ဗာန်ရောက်သည့်တိုင်အောင် လျော်တဲ့ဘဝမှာ သုခပေးပါတယ်။ အကုသိုလ်ကံကိုနိုင်တာက ကုသိုလ်ကံပါ။ အကုသိုလ်ကံကိုကုန်အောင် ကုသိုလ်ကံကို ကြိုးစားရမှာပါ။ အကုသိုလ်တွေ ပျောက်တယ်ဆိုတာ ဝိပဿနာကုသိုလ်ပွားများလို့ မဂ်ကုသိုလ်ရမှ ပျောက်ပါတယ်။
ကုသိုလ်ကံ အကုသိုလ်ကံရဲ့ အကျိုးတွေ သိရုံလောက်နဲ့ တစ်နံပါတ် အမှောင်ပျောက်လို့ အလင်းရောက်သော်လည်း ဝိပဿနာအားထုတ်ပါမှ နောက်အမှောင်တွေပါ ပျောက်ပြီး အလင်းရောက်ပါတယ်။
(ဓမ္မဒူတ အရှင်ပညာဇောတဆရာတော်ကြီး)
________________________________________
Ko Latt ၏ စာမျက်နှာမှ ကူးယူဖော်ပြပါသည်။
No comments:
Post a Comment