KIA အဖွဲ့မှ ရွှေမှော်များအတွင်း ဒီဇယ်နှင့် ဆန်ဆက်ကြေးငွေများကောက်ခံ

........



သြဂုတ်(၂၈)ရက်

ကချင်ပြည်နယ်၊ တနိုင်းမြို့နယ်၊ ရှဒူဇွပ်ကျေးရွာနှင့် အနီးဝန်းကျင်ကျေးရွာများ၌ ရွှေတူးဖော်နေသော မှော်များတွင် သြဂုတ် (၂၁)ရက်နေ့မှစကာ ကချင်လွတ်မြောက်ရေးတပ်မတော် (KIA) အဖွဲ့မှ ဒီဇယ်နှင့်ဆန်းများအတွက် ဆက်ကြေးငွေများ ကောက်ခံနေကြောင်း ယင်းဒေသခံများထံမှ သိရသည်။
အဆိုပါမြို့နယ်ရှိ ရှဒူဇွပ်ကျေးရွာ၊ လော့ဒ်ဂျာကျေးရွာ၊ ဂျာဝမ်ကျေးရွာများအနီးတစ်ဝိုက်တွင် ရွှေတူးဖော်နေသော လုပ်ငန်း ရှင်များ၊ ဈေးသည်များအား မှော်အတွင်း အသုံးပြုနေသော ဒီဇယ်၊တင်ပို့ရောင်းချသော ဆန်များအတွက် ဆက်ကြေးငွေ ကောက်ခံခြင်းဖြစ်ကြောင်း မှော်လုပ်သားတစ်ဦးက ပြောသည်။

`` လွန်ခဲ့တဲ့တစ်ပတ်ကျော်လောက်ကစပြီး ဒီဇယ်နဲ့ ဆန်တွေကို ဆက်ကြေးကောက်တယ်လို့ သိရတယ်၊ မှော်ထဲမှာ အသုံး များတာက ဒီဇယ်လေ၊ စက်ဆိုင်းတွေနဲ့ရွှေတူးတာဆိုတော့ ဒီဇယ်က မရှိမဖြစ်သုံးရတာပေါ့၊ အဲ့ဒီ ဒီဇယ်တွေကို KIA က ဆက်ကြေးတောင်းလို့ ပိုင်ရှင်တွေ

စိတ်ညစ်နေကြတယ် ´´ ဟု စက်ဆိုင်းအလုပ်သမားတစ်ဦးကဆိုသည်။

KIA အဖွဲ့မှ ရွှေတူးဖော်နေသော စက်ဆိုင်းပိုင်ရှင်များအား ဒီဇယ်တစ်ပေပါလျှင် (၅၀၀၀၀ိ/-)ကျပ်နှုန်းကောက်ခံမှုကြောင့် ဒီဇယ်ပေါက်ဈေးနှုန်းမှာ ကာလပေါက်ဈေးထက် အဆမတန်ဈေးမြင့်တက်နေကြောင်း စက်ဆိုင်းပိုင်ရှင်တစ်ဦးက ဆိုသည်။
`` ကျွန်မတို့က ရှဒူဇွပ်ရွာကပါ၊ မှော်တွေထဲမှာ ဆန်လိုက်ရောင်းရတာပေါ့၊ ထော်လာဂျီငှားရတယ်၊ မောင်းတဲ့သူငှားရတယ်၊ ဆီကလည်းကုန်တယ်၊ သိပ်မမြတ်ပါဘူး၊ လွန်ခဲ့တဲ့တစ်ပတ်ကစပြီး ကချင်စစ်သားတွေက ဆန်အတွက်ဆက်ကြေး လာကောက်လို့ အရှုံးပေါ်နေတယ် ´´ ဟု ဆန်ကုန်သည်တစ်ဦးကပြောသည်။

မှော်အတွင်း ဆန်အိတ်များ လိုက်လံဖြန့်ဖြူးရောင်းချနေသော ဆန်ကုန်သည်များအား ဆန်တစ်အိတ်လျှင် (၁၀၀၀၀ိ/-)ကျပ် နှုန်း KIA အဖွဲ့မှ ကောက်ခံနေကြောင်း သိရသည်။
တနိုင်းမြို့ခံ ဆန်ကုန်သည်တစ်ဦးကတော့ 

`` မှော်ထဲမှာ လုပ်ငန်းရှင်တွေရော အလုပ်သမားတွေပါ KIA ကို ဆက်ကြေး ပေးပြီး နေရတာ၊ အခုလည်းလူအတွက်တင်မကတော့ဘဲ ဒီဇယ်နဲ့ဆန်အတွက်ပါ ဆက်ကြေးကောက်တယ်ပြောတယ်၊ နောက်ဆိုရင် အိမ်မှာမွေးထားတဲ့ ကျွဲ၊နွားတွေ ၀က်တွေကြက်တွေကိုတောင် ဆက်ကြေးလာကောက်မလားမသိဘူး၊ ကြာလေအဲ့ဒီအဖွဲ့ကို ကြည့်မရလေပါပဲ၊ သေနတ်တကားကားနဲ့ပြည်သူဆီက လိုက်ပြီးတောင်းစားနေကြတာ ´´ ဟု ပြောကြားသွားခဲ့သည်။

ထွန်းလင်းနောင်

Posted via Blogaway