သြဂုတ် ၂၆ ရက်၊ ၂၀၁၄ ခုနှစ်
ကချင်ပြည်နယ်၊ မိုးညှင်းမြို့နယ်၊ အင်းတော်ကြီးဒေသ၊ တုံပင်ကျေးရွာအနီးတွင် သြဂုတ် ၂၄ ရက်နေ့၌ ဒေသခံ ရှမ်းတိုင်းရင်းသားတစ်ဦးအား ကချင်လွတ်မြောက်ရေးတပ်မတော်(KIA) အဖွဲ့မှ ပစ်ခတ်သတ်ဖြတ်ခဲ့ကြောင်း ယင်းဒေသခံများထံမှ သတင်းရရှိသည်။
အဆိုပါဖြစ်စဉ်မှာ တုံပင်ကျေးရွာနေ ရှမ်းတိုင်းရင်းသားတစ်ဦးသည် တူမီးသေနတ်ဖြင့် တောလည်သွားစဉ် နေ့လယ် ၃ နာရီခွဲခန့်အချိန် တောအုပ်ထဲ၌ KIA အဖွဲ့မှ ပစ်ခတ်သတ်ဖြတ်ခဲ့ခြင်းဖြစ်ကြောင်း သိရသည်။
“ သူက မုဆိုးပါ၊ အမြဲတမ်း တောလည်နေတာ၊ ဟိုတစ်နေ့က ရွာအပြင်တောအုပ်ထဲမှာ သေနတ်သံ သုံးလေးချက်ကြားတာနဲ့ ရွာကလူတွေ သွားကြည့်တော့ သေနတ်မှန်ပြီး သေနေတာတွေ့တယ် ” ဟု တုံပင် ရွာသား တစ်ဦးက ပြောသည်။
KIA အဖွဲ့မှ ပစ်ခတ်သတ်ဖြတ်သွားသော ဒေသခံရှမ်းတိုင်းရင်းသားမှာ တုံပင်ကျေးရွာနေ ဦးအိုက်မောင် (၃၆) နှစ်၊ (ဘ) ဦးအိုက်ရွှေ၊ ရှမ်း/ ဗုဒ္ဓ၊ တောင်သူ လုပ်ကိုင်သူ ဖြစ်ကြောင်း သိရသည်။
“ ဒီရွာထဲကို KIA စစ်သားတွေဝင်လာကြတယ်၊ အိုက်မောင်ကို ပစ်သတ်တာ သူတို့ဆိုတာ သေချာတယ်၊ ကျန်ရစ်တဲ့ မိသားစုကို ဘာမှမေးမြန်းတာမရှိဘူး၊ ဒေသခံတစ်ဦးက အကြောင်းမဲ့ သက်သက်ပစ်သတ်ခံရတာ ” ဟု ဆွေးမျိုးတော်စပ်သူတစ်ဦးက ဆိုသည်။
ယင်းရွာသားအား ပစ်ခတ်သတ်ဖြတ်မှုနှင့် ပတ်သက်၍ KIA အဖွဲ့မှ အရာရှိတစ်ဦးအား ရပ်မိရပ်ဖများမှ သွားရောက် မေးမြန်းခဲ့ရာ အစိုးရတပ်မှ စစ်သားဟု ထင်မှတ်၍ ပစ်ခတ်လိုက်ခြင်းဖြစ်ကြောင်း အကြောင်းပြချက် ပေးခဲ့ပြီး ကူညီထောက်ပံ့မှု ၊ မိသားစုအား လာရောက်တောင်းပန်မှုလည်း မပြုလုပ်ကြောင်း သိရသည်။
မိုးညှင်းမြို့ခံ ရှမ်းတိုင်းရင်းသားတစ်ဦးက “ အပြစ်မဲ့ ပြည်သူကို သေနတ်နဲ့ ပစ်ခတ်သတ်ဖြတ်တာဟာ အကြမ်း ဖက်လုပ်ရပ်ပါ၊ KIA အဖွဲ့ဆိုတာ ဒေသခံရှမ်းတွေကို အမြဲတမ်းအနိုင်ကျင့် နှိပ်စက်နေကြပါ၊ အခုလည်း သေနတ်နဲ့ ပစ်သတ်သွားပြန်ပြီ၊ ဘယ်လိုပဲ အကြောင်းပြချက်ပေးပေး ဒီကိစ္စအပေါ် KIA ခေါင်းဆောင်တွေ အနေနဲ့ ဖြေရှင်းပေးဖို့ လိုပါတယ် ” ဟု ပြောကြားသွားသည်။
ကောင်းထက်
Posted via Blogaway
No comments:
Post a Comment