ပညာရေး မြှင့်တင်ချင်တယ် ဆိုလျှင် ..ပညာသင်မယ့်လူတွေရဲ့စိတ်ဓါတ်တွေ ကလည်း လမ်းဘေး ခြုံတိုးဖို့ ချည်း စဉ်းစားမနေကြဖို့လိုတယ်။

မြန်မာပြည်မှာ အတန်းကျောင်းတက်ကတည်းက စာကိုစာမှန်းသိပြီး သေချာလေ့လာသင်ယူကြတယ် ။ သူများတွေ နိုင်ငံရေးလိုလို ၊ ဂိမ်းသမားလိုလို ယောင်နေတဲ့အချိန် စာဖတ်နေကြတယ် ။

ပညာရည်မြင့်လာကြတဲ့ အခါ နိုင်ငံခြားအထိ ထပ်မံပြီးပညာသင်ဖို့ကို ကြိုးပမ်းကြတယ် ။

မိဘကလည်း လူချမ်းသာ စာရင်းဝင်မျိုး မဟုတ်ပြန်ဘူး။ဒီတော့ ကိုယ့်ဒူးကိုယ်ချွန်ပြီး ရည်မှန်းချက်ကို အကောင်အထည်ဖော်နိုင်ဖို့ အပတ်တကုတ် ကြိုးစားကြရတယ်။

ကြိုးစားမှုတိုင်းမှာ သက်ရောက်မှု ရှိတယ် ။ ကြိုးစားမှုရဲ့ရလာဒ်ကို ခံစားကြရတယ် ။ ခုဆို နိုင်ငံခြားသားတွေကိုအပေါ်ကနေပြီး စေခိုင်းနိုင်တဲ့လူတွေတောင် ဖြစ်နေကြကုန်ပြီ ။ မြန်မာလူမျိုးတွေ တကယ်ပညာတတ်လျှင် ...လူမျိုးခြားတွေထက် အမြဲတမ်း နှာတစ်ဖျားသာနေတတ်ကြတယ် ဆိုတာ ယုံကြည်စေချင်တယ် ။

အဲဒီလို လူငယ်တွေက ပြည်ပက မိမိတို့ရဲ့ လုပ်ငန်းခွင်ကုမ္မဏီတာဝန်တွေနဲ့ မြန်မာပြည်ကို တာဝန် ကိုယ်စီပြုအသွားအပြန်လုပ်နေကြတယ် ။

မင်းတို့ကို အစိုးရကလည်း ထောက်ပံ့ကူညီတာလည်းမဟုတ်ဘူး ။အစိုးရမကောင်းလို့ မြန်မာတွေ ပြည်ပမှာ ..မျက်နှာငယ်နေရတယ်အနှိမ်ခံနေရတယ် ဆိုတဲ့ အတွက်မင်းတို့ ဒီနိုင်ငံကို စိတ်မနာကြဘူးလား ? ဆိုတော့ ....ကလေးတွေက ဒီလိုမျိုး ပြန်ဖြေတတ်ကြတယ် ။

အစိုးရမကောင်းတာနိုင်ငံရေးသဘောအရသာဖြစ်ပြီးကျွန်တော်တို့အစိုးရ ကောင်းလာအောင်
စောင့်မယ်ဆိုလျှင် ဘယ်အချိန်မှာပညာသင် ဘယ်အချိန်မှာ လုပ်ငန်းခွင် ဝင်ရတော့မှာလဲတဲ့ ။

ကျွန်တော်တို့ ဘဝ ရည်မှန်းချက်ကို ကျွန်တော်တို့ကပဲပိုင်ဆိုင်တာပါတဲ့ ။ အစိုးရလည်း မပိုင်ဘူး ။ ဘယ်သူမှ
လည်း မပိုင်ဆိုင်ပါဘူး ။ ဒီတော့ ကိုယ့် ကြမ္မာကိုယ်ဖန်တီးနိုင်ဖို့ ကိုယ်တိုင်မှ မကြိုးစားလျှင် ဘာမှဖြစ်လာကြ
မှာမှ မဟုတ်တာပဲတဲ့ ။

မှားယွင်းမှု တစ်ခုခုဖြစ်ပေါ်လာလို့ လက်ညှိုးထိုးစရာမျိုးတွေ့လာလျှင် ကိုယ့် ကိုယ် ကိုပဲ ကိုယ်ညံ့လို့ ဆိုတာကိုတွေးပြီး သင်ခန်းစာယူ လက်ညှိုး ပြန်ထိုးပြီး အပြစ်တင်ပါတယ်တဲ့ ။

ဆိုတော့ဗျာ .........

အမှန်တရားကို လက်တွေ့ကျင့်သုံးနိုင်ပြီး ကိုယ့်အားနဲ့ကိုယ့်ခွန်နဲ့ စွမ်းဆောင်နိုင်သူတွေက ဘယ်သူ ကိုမှ နာကျည်းနေစရာလည်း မလိုသလို ... တိုင်းပြည်အတွက်ကိုလည်း အစစ်အမှန် အကျိုးပြုနေနိုင်တယ် ။ ၎င်းတို့နှင့် နီးစပ်သူတွေကိုလည်းအမှန်တကယ်အကျိုးပြုပေးနေနိုင်တယ် ။

တိုင်းပြည်အတွက်ပြည်သူအတွက်ဆိုပြီး လေသေနတ်ပစ်နေယုံ ဟိုနေရာဒီနေရာဗွီနိုင်းထောင်နေယုံနဲ့တော့
လမ်းဘေး အာဝါဒါး ပဲ ဖြစ်လာမှာ သေချာတယ် ။

လက်တွေ့ကျကျ ပညာကို တကယ် တတ်အောင်လို့ ..ကြိုးစားပြီး သင်ယူ ကြစမ်းပါ ။ ရည်မှန်းချက် မြင့်မြင့်
မားမား ထားတတ်ကြစမ်းပါ ။ ဘယ်သူ့ကိုမှ အားကိုးစရာမလို ၊ ထမီခြုံစရာမလိုဘဲနဲ့ ကိုယ့်ဒူးကိုယ်ချွန်နိုင်
အောင် တွေးကြစမ်းပါ ။

လူက နေချင်တယ် ဆိုတာတောင် ပညာက ရပ်တန့်မနေဘဲနဲ့ ၊ မင်းတို့ ရှေ့မှောက် ဒူးထောက် လာမယ့် ..
လူတွေ ရိုက်သတ် လို့တောင် ကုန်မယ် မထင်ဘူး ။

ပညာရေး မြှင့်တင်ချင်တယ် ဆိုလျှင် ..ပညာသင်မယ့်လူတွေရဲ့စိတ်ဓါတ်တွေ ကလည်း လမ်းဘေး ခြုံတိုးဖို့
ချည်း စဉ်းစားမနေကြဘဲနဲ့ မြင့်မား နေကြဖို့တော့ လိုလိမ့်မယ် ခင်ဗျ ။

ဦးယဉ်ကျေး

www.mohnyinnews.blogspot.com