နိုဝင်ဘာ ၁၂ ရက်က ကျင်းပသည့် ပထမအကြိမ်ပြည်ထောင်စုလွှတ်တော် (၁၁)ကြိမ်မြောက် ပုံမှန်အစည်းအဝေး ၂၄ ရက် မြောက်နေ့တွင် မန္တလေးတိုင်းဒေသကြီး မဲဆန္ဒနယ်အမှတ်(၅) မှ ဦးဇော်မြင့်ဖေ တင်သွင်းသည့် ''ပြည်ထောင်စုသမ္မတ မြန်မာနိုင်ငံတော်တွင် သန့်ရှင်းသော အစိုးရနှင့် ကောင်းမွန်သောအုပ်ချုပ်ရေးစနစ် အောင်မြင်စွာ ဖြစ်ထွန်းပေါ်ပေါက်ရေးအတွက် မဖြစ်မနေဆောင်ရွက်ပေးသင့်သည့် နိုင်ငံ့ဝန်ထမ်းများ (တပ်မတော်သားနှင့် မြန်မာနိုင်ငံရဲတပ်ဖွဲ့ဝင်များ အပါအဝင်)အတွက် ထိုက်သင့်သောလစာ၊ စရိတ်များတိုးမြှင့်သတ်မှတ်ပေးရေး၊ အလုပ်သမားများ သင့်တင့်မျှတသော အနိမ့်ဆုံးလုပ်ခ၊ လစာရရှိရေးအတွက် လိုအပ်လျက်ရှိသည့် နည်းဥပဒေ၊ စည်းမျဉ်းစည်းကမ်းများ ဆောလျင်စွာ ထုတ်ပြန်ဆောင်ရွက်ပေးရေး၊ တောင်သူလယ်သမားများဘဝ တိုးတက်ရေးအတွက် တောင်သူလယ်သမားအခွင့် အရေးကာကွယ်ရေးနှင့်အကျိုးစီးပွား မြှင့်တင်ရေးဥပဒေနှင့်အညီ လိုအပ်သည့်နည်းဥပဒေ၊ စည်းမျဉ်းစည်းကမ်းများ ဆောလျင်စွာ ထုတ်ပြန်သတ်မှတ်ပေးရေး၊ ပြည်ထောင်စုအဆင့်ပုဂ္ဂိုလ်များ၊ တိုင်းဒေသကြီး သို့မဟုတ် ပြည်နယ်အဆင့်ပုဂ္ဂိုလ်များ၊ ကိုယ်ပိုင်အုပ်ချုပ်ခွင့်ရတိုင်းနှင့် ကိုယ်ပိုင်အုပ် ချုပ်ခွင့်ရဒေသဥက္ကဋ္ဌနှင့် အလုပ်အမှု ဆောင်ကော်မတီဝင်များ၊ ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီး သို့မဟုတ် ပြည်နယ် လွှတ်တော်ကိုယ်စားလှယ်များနှင့် ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ ဦးစီး အဖွဲ့ဝင်များ၏ ချီးမြှင့်ငွေနှင့် စရိတ်များကို သင့်တင့်မျှတစွာ ပြင်ဆင်သတ်မှတ်ရေးတို့ကို ၂ဝ၁၅-၂ဝ၁၆ ဘဏ္ဍာရေးနှစ် စတင်သည့်ကာလမှစ၍ အကောင်အထည်ဖော်နိုင်ရေး၊ စီမံဆောင်ရွက်ပေးပါရန် ပြည်ထောင်စုလွှတ်တော်နှင့် ပြည်ထောင်စုအစိုးရ အဖွဲ့အား တိုက်တွန်းကြောင်း'' အရေး ကြီးအဆိုပေါ် ပြည်ထောင်စုဝန်ကြီး ဦးဝင်းရှိန်က အောက်ပါအတိုင်း ပြန်လည်ရှင်းလင်းဖြေကြားခဲ့သည်။ နိုင်ငံတော်တွင် သန့်ရှင်းသော၊ ကောင်းမွန်သော အစိုးရတစ်ရပ် ပေါ်ပေါက်လာစေရေးအတွက် မဖြစ်မနေဆောင်ရွက်ပေးရမည့် နိုင်ငံဝန်ထမ်းများ လစာတိုးမြှင့်ရေး၊ အလုပ်သမားများ၊ တောင်သူလယ်သမားများ အခွင့်အရေးနှင့်ပတ်သက်သည့် စည်းမျဉ်းစည်းကမ်း၊နည်းဥပဒေများ အချိန်မီထုတ်ပြန်ပေးရေး၊ ပြည်ထောင်စုအဆင့် ပုဂ္ဂိုလ်များ၊ တိုင်းဒေသကြီး သို့မဟုတ် ပြည်နယ် အဆင့်ပုဂ္ဂိုလ်များ၊ ကိုယ်ပိုင်အုပ်ချုပ် ခွင့်ရတိုင်းနှင့်ကိုယ်ပိုင်အုပ်ချုပ်ခွင့်ရ ဒေသဥက္ကဋ္ဌနှင့် အလုပ်အမှုဆောင် ကော်မတီဝင်များ၊ ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီး သို့မဟုတ် ပြည်နယ်လွှတ်တော် ကိုယ်စားလှယ်များနှင့်ကိုယ်ပိုင် အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဝင်များ၏ ချီးမြှင့်ငွေနှင့်စရိတ်များကို သင့်တင့်မျှတစွာ ပြင်ဆင်သတ်မှတ် ရေးကိစ္စကို ၂ဝ၁၅-၂ဝ၁၆ ဘဏ္ဍာရေးနှစ် စတင်သည့်ကာလမှစ၍ အကောင်အထည်ဖော်နိုင်ရေးကိစ္စ အဆိုနှင့်ပတ်သက်ပြီး ပြည်ထောင်စုအစိုးရအဖွဲ့ကိုယ်စား ဘဏ္ဍာရေးဝန်ကြီးဌာနပြည်ထောင်စုဝန်ကြီးအနေဖြင့် ရှင်းလင်းတင်ပြလိုပါကြောင်း။ ယနေ့အရေးတကြီးတင်သွင်းသည့်အဆိုသည် လွန်စွာမင်္ဂလာရှိ သည့်ကိစ္စတစ်ရပ် ဖြစ်ပါကြောင်း။ ရသင့်ရထိုက်သည့်အခွင့်အရေးများရရန်အတွက် တင်ပြသည့်အဆိုဖြစ်သည့်အတွက် ကျက်သရေမင်္ဂလာရှိသောအဆိုတစ်ရပ်ဖြစ်ပါကြောင်း၊ ထို့အတူ လစာတိုးမြှင့်ပေးရေးကိစ္စနှင့်ဆက်စပ်သည့် အကြောင်းအရာနှင့်ပတ်သက်၍ အနည်းငယ်ဖြည့်စွက် တင်ပြလိုပါကြောင်း၊ နိုင်ငံ့ဝန်ထမ်းများ အပါအဝင် လစာတိုးမြှင့်ရေးကိစ္စသည် နိုင်ငံတော်အစိုးရတစ်ရပ်အနေဖြင့် ပြည်သူပြည်သားများအကျိုးနှင့် နိုင်ငံတော်၏အကျိုးစီးပွားဖော်ဆောင်ပေးရေးသည် နိုင်ငံတော်အစိုးရ၏ အဓိကလုပ်ငန်းတာဝန်ဖြစ်ပါကြောင်း။ ပြည်သူ ပြည်သားများအပြင် နိုင်ငံ့ဝန်ထမ်းများသည်လည်း နိုင်ငံတော်အစိုးရအဖွဲ့အစည်းထဲတွင် ပါဝင်ဆောင်ရွက်နေသည့်အတွက် မိဘနှင့်သားသမီးများ ဖြစ်ကြပါကြောင်း၊ ထို့အတွက် မိဘသည် သားသမီး အကျိုးခံစားခွင့်အတွက်ကို အမြဲတမ်း စဉ်းစားဆောင်ရွက်ပေးရသည်မှာ နိုင်ငံတော်အစိုးရတိုင်း၏ တာဝန်၊ မိဘတိုင်း၏ တာဝန်ဖြစ်ပါကြောင်း၊ နိုင်ငံတော်အစိုးရအနေဖြင့် နိုင်ငံ့ဝန်ထမ်းများ လစာတိုးမြှင့်ရေးကိစ္စကို အစဉ်အမြဲစဉ်းစားသုံးသပ်ဆောင်ရွက် ခဲ့ပါကြောင်း။ ထို့အတူ မိဘက သားသမီးအပေါ် စေတနာရှိသည့် အနေအထားအပေါ်တွင် ဆောင်ရွက်ပေးနိုင်သည်များကို အဖြစ်နိုင်ဆုံး ဆောင်ရွက်ပေးရန် မိဘတိုင်းဆန္ဒရှိပါကြောင်း၊ ထို့ကြောင့် အစဉ်အမြဲစဉ်းစားနေသည့် အနေအထားတွင် ထည့်သွင်း စဉ်းစားသည့်အချက်များကို အဆိုရှင် ဦးဇော်မြင့်ဖေအပါအဝင် ထောက်ခံဆွေးနွေးသူများ၏ တင်ပြချက်များတွင် ပါရှိပြီးဖြစ်ပါကြောင်း၊ စဉ်းစားသင့်သည့်အချက်ထဲတွင် ဝန်ထမ်းများနှင့်ဆက်စပ်ပြီး အငြိမ်းစားဝန်ထမ်းများကိုပါ စဉ်းစားရမည်ဖြစ်ပါကြောင်း၊ စဉ်းစားသည့်နေရာတွင် ဖြစ်ချင်သည့်ဆန္ဒ၊ ဖြစ်နိုင်သည့်သဘာဝများကို သုံးသပ်ပြီး ပဓာနကျသည့် ဖြစ်သင့် သည်များကို ဆောင်ရွက်ကြရမည်ဖြစ် ပါကြောင်း၊ ထို့အတူ ဆောင်ရွက်သည့်နေရာတွင်လည်း အချိန်မီမဆောင်ရွက်နိုင်လျှင်၊ အချိန်မီမလုပ် နိုင်လျှင် ဆုံးရှုံးနိုင်မှုများ ရှိနိုင်သကဲ့သို့ အချိန်မီ၊ အချိန်ကိုက်ဆောင်ရွက် နိုင်ရန်ကိုလည်း တွက်ချက်ဆောင်ရွက် သင့်ပါကြောင်း။ ထည့်သွင်းစဉ်းစားရမည့်အပိုင်းများ၌စာရွက်၊ စာတမ်း၊ ကိန်းဂဏန်းများအပေါ်တွင် ကြည့်၍မရသည့် အနေအထားများကိုလည်း လက်တွေ့ မြေပြင်နှင့်ဆက်စပ်၍ ပေါင်းစပ်စဉ်းစားမှသာလျှင် ဖြစ်ချင်သည့်ဆန္ဒကို ဖြစ်နိုင်သည့်သဘာဝနှင့်ပေါင်းစပ်မှသာ ဖြစ်သင့်သည့်ပဓာနထွက်ပေါ်လာမည်ဖြစ်သည့်အတွက် အားလုံးကို ပေါင်းစပ်ဆက်စပ်စဉ်းစားပြီး လက်ရှိထိရောက်ပတ်သက်မှု၊ ထိခိုက်နိုင်မှုဖြစ်ပေါ်လာမည့်အကျိုးဆက်၊ နောင်အနာဂတ်တွင် ရေရှည်ဆက်သွားမည့် အကျိုးဆက်များကိုပါ ထည့်သွင်းပေါင်းစပ်စဉ်းစားပြီး ယခုအဆိုကို ဆက်လက်ဆောင်ရွက် သွားရန်ဖြစ်ပါကြောင်း ရှင်းလင်းတင်ပြသည်။
No comments:
Post a Comment