ဖားကန့်မြို့တွင်း ရေထပ်ကြီး၍ ရေဘေးကယ်ဆယ်ရေးလုပ်ငန်းများ လုပ်ဆောင်လျှက်ရှိ
=========================================
30, August, 2015 By Kachin People
ကချင်ပြည်နယ် ဖားကန့်မြို့တွင်း ၂၀၁၅ သြဂုတ်လ (၂၉) ရက်နေ့တွင် မိုးသည်းထန်စွာ အဆက်မပြတ်ရွာသွန်းမှုကြောင့် အေးမြသာယာရပ်ကွက်နှင့် မရှီကတောင်ရပ်ကွက်တွင် ရေအနက် (၄) ပေခန့် လူနေအိမ်နှင့် လမ်းများပေါ်တွင် တက်လျှက်ရှိနေပြီး မြို့မရပ်ကွက်နှင့် ဌက်ပျောတော ရပ်ကွက်တို့တွင် ရေအနက် (၇) ပေခန့် ရောက်ရှိခဲ့ကြောင်း သိရှိရပါသည်။
သြဂုတ်လ(၃၀)ရက်နေ့တွင် မိုးဆက်လက်ရွာသွန်းလျှက်ရှိပြီး အေးမြသာယာ၊ မြို့မနှင့် ဌက်ပျောတောရပ်ကွက်တို့မှာ ရေအနက် (၁၀) ပေခန့်မြင့်တက်လျှက်ရှိပြီး မရှီကထောင်ရပ်ကွက် တွင် ရေအနက် (၉) ပေခန့် တက်လျှက်ရှိကြောင်း ကြားသိရပါသည်။
ထို့ကြောင့် ဖားကန့်မြို့ မဏိဇေယျုံကျောင်းတိုက်တွင် ရေဘေးကယ်ဆယ်ရေးကော်မတီ ဖွဲ့စည်းထားရှိပြီး နယ်မြေခံ တပ်မတော်သားများမှ ရေနစ်မြုပ်လျှက်ရှိသော လူနေအိမ်များရှိ ပစ္စည်းများ ကူညီရွေ့ပြောင်းပေးလျှက်ရှိပြီး၊ တပ်မတော်သားများနှင့် ဌာနဆိုင်ရာများပူးပေါင်း၍ ထမင်းဘူးများနှင့် ရေသန့်ဘူးများ လိုက်လံဝေငှပေးလျှက်ရှိကြောင်း ဒေသခံများမှတစ်ဆင့် ကြားသိရပါသည်။
ဖားကန့်မြို့တွင်း ရေထပ်ကြီး၍ ရေဘေးကယ်ဆယ်ရေးလုပ်ငန်းများ လုပ်ဆောင်လျှက်ရှိ
=========================================
ကျေးဇူးတင်ပါသည်
No comments:
Post a Comment