ပြည်ခိုင်ဖြိုးနိုင်လျှင် ဦးသိန်းစိန်ကိုပင် သမ္မတအဖြစ်တင်မြှောက်မည်ဟု ပါတီအတွင်းရေးမှူးပြော

ပြည်ခိုင်ဖြိုးနိုင်လျှင် ဦးသိန်းစိန်ကိုပင် သမ္မတအဖြစ်တင်မြှောက်မည်ဟု ပါတီအတွင်းရေးမှူးပြော
Saturday, October 17, 2015

ရွေးကောက်ပွဲ၌ ပြည် ထောင်စုကြံ့ခိုင်ရေးနှင့်ဖွံ့ဖြိုးရေး ပါတီအနိုင်ရပါက ပါတီဥက္ကဋ္ဌ လက်ရှိသမ္မတဦးသိန်းစိန်ကိုပင် သမ္မတအဖြစ် တင်မြှောက်မည်ဟု ပါတီအထွေထွေအတွင်းရေးမှူးဦးတင်နိုင်သိန်းက ဘီဘီစီသတင်းဌာနအား ပြောကြားခဲ့ကြောင်း သတင်းဖော်ပြထားသည်။

‘‘ရွေးကောက်ပွဲမှာ ပြည် ထောင်စုကြံ့ခိုင်ရေးနှင့် ဖွံ့ဖြိုးရေးပါတီအနိုင်ရခဲ့ရင် တစ်နိုင်ငံလုံးက ချစ်ခင်ကြတဲ့ ပါတီခေါင်း ဆောင် ဦးသိန်းစိန်ကို သမ္မတအဖြစ် တင်မြှောက်ဖို့ ရွေးချယ်ထား တယ်’’ဟု ပါတီအထွေထွေအ တွင်းရေးမှူး ဦးတင်နိုင်သိန်းက ပြောကြောင်း ဘီဘီစီသတင်းဌာန က အောက်တိုဘာ ၁၆ ရက်ည၌ ၎င်း၏တရားဝင်လူမှုကွန်ရက်စာ မျက်နှာတွင် ဖော်ပြခဲ့သည်။

တနင်္သာရီမဲဆန္ဒနယ်ပြည် သူ့လွှတ်တော်ကိုယ်စားလှယ် လောင်း ဦးခင်ဇော်ဦးကလည်း ပြည်ခိုင်ဖြိုးပါတီအနိုင်ရပါက သမ္မတဦးသိန်းစိန်ကိုပင် သမ္မတ အဖြစ်တင်မြှောက်မည်ဟု မဲဆွယ်စည်းရုံးရေးခရီးစဉ်တွင် ပြောကြားခဲ့သေးသည်။

သို့သော် ပါတီဒုတိယဥက္ကဋ္ဌ (ပူးတွဲဥက္ကဋ္ဌတာဝန်) ဦးဌေးဦးကမူ သမ္မတတင်မြှောက်မည့် ကိစ္စကို ရွေးကောက်ပွဲပြီးမှသာ ပါတီက ဆုံးဖြတ်မည်ဖြစ်ကြောင်း အောက်တိုဘာ ၃ ရက်က 7Day Daily နှင့် သီးသန့်အင်တာဗျူးတွင် ဖြေဆိုခဲ့သည်။

ဦးတင်နိုင်သိန်းသည် သူရဦး ရွှေမန်းနှင့် အတွင်းရေးမှူး ဦး မောင်မောင်သိမ်းတို့ကို ရာထူးမှ ဖယ်ရှားပြီးနောက် သမ္မတရုံးဝန် ကြီးအဖြစ်မှ နုတ်ထွက်ပြီး နောက်တနေ့တွင် ပါတီအထွေထွေအတွင်းရေးမှူး ဖြစ်လာပြီး ရှမ်းပြည်နယ်ကလော မဲဆန္ဒနယ်မှ ပြည်သူ့လွှတ်တော် ကိုယ်စားလှယ်လောင်းအဖြစ် ဝင်ရောက်ယှဉ်ပြိုင်မည် ဖြစ်သည်။ ဦးခင်ဇော်ဦးသည် လည်း မြန်မာ့စီးပွားရေးဦးပိုင်လီမိ တက်ဥက္ကဋ္ဌအဖြစ် တာဝန်ယူခဲ့သူ ဒုတိယဗိုလ်ချုပ်ကြီး(ငြိမ်း)တစ်ဦး ဖြစ်သည်။

7Day Daily

$$$မိုးညှင်းသတင်း apk မှကြော်ငြာရှင်များဖိတ်ခေါ်ခြင်း$$$$ မိမိတို့၏လုပ်ငန်းများကိုအချိန်တိုအတွင်းမှာလူသိများလာအောင် မိုးညှင်းသတင်း apk မှဆောင်ရွက်ပေးပါမည် $$ကြော်ငြာခနှုံးထားများ$$ တစ်ရက် နှစ်ကြိမ်တင် ၁၀၀၀ ကျပ် သတင်းapk ရဲ့ထိပ်မှာ ၁၂ နာရီကြာတင်ထားမယ်ဆိုရင် တစ်ရက် ၂၀၀၀ ကျပ် ပေးပို့ရန် ကြော်ငြာမည့်စာသား ဓါတ်ပုံ ၃ ပုံထိလက်ခံပါသည် ငွေပေးချေရန် MPT Ooredoo ငွေဖြည့်ကက်ပို့ပေးရပါမည်